सरकारले संसदलाई पार्टीको रुपमा चलाएको कांग्रेसको आरोप

साउन १७, २०७५ बिहीबार १६:५६:३९ | उज्यालो सहकर्मी

काठमाडौं – प्रमुख प्रतिपक्षी दल नेपाली कांग्रेसले सरकारले संसदीय मूल्य र मान्यतालाई कुल्चिँदै गएको भन्दै आपत्ति जनाएको छ ।

सभामुखले मन्त्रीसँगको प्रश्न उत्तरको समय नदिएको भन्दै प्रतिनिधिसभाको बिहीबारको बैठक बहिष्कार गरेको कांग्रेसले सरकारले संसदलाई पार्टीको रुपमा लिएको आरोप पनि लगाएको छ ।

बैठक बहिष्कारपछि संघीय संसद भवनमा संचारकर्मीलाई संक्षिप्त प्रतिक्रिया दिँदै कांग्रेसका प्रमुख सचेतक बालकृष्ण खाँडले संसदीय पद्धति र परम्पराको पालना गर्ने दायित्वबाट सरकारपछि हटेको र संसदीय मूल्य मान्यतालाई कुल्चिँदै गएको बताउनुभयो । उहाँले समयमै सच्चिन सभामुख र सरकार दुवैलाई चेतावनी दिनुभयो ।

उहाँले प्रतिनिधिसभा नियमावलिको नियम २ सय १९ मा भएको व्यवस्था अनुसार मन्त्रीसँग थप जिज्ञासाका लागि समय माग गर्दा सभामुखले उपलब्ध नगराएकाले बैठक बहिष्कार गर्नुपरेको बताउनुभयो ।

कांग्रेस सांसद डाक्टर मिनेन्द्र रिजालले सरकारले संसदलाई पार्टीको रुपमा लिएको भन्दै आगामी दिनमा नसच्चिए कडा प्रतिकारमा उत्रने र त्यसको जिम्मेवार सरकार हुने चेतावनी दिनुभयो ।

सभामुख कृष्णबहादुर महराले भने बैठक बहिष्कार गर्नुपर्ने अवस्था नरहेको दाबी गर्नुभयो । उहाँले शुन्य समय र विशेष समयमा उठेका प्रश्नमा सम्बन्धित मन्त्रीले दिएको जवाफमा प्रश्न उत्तरको व्यवस्था नियमावलिले नगरेको बताउनुभयो ।

कञ्चनपुरमा भएको बालिका बलात्कारपछिको हत्याको घटना बारे सदनलाई जानकारी दिएका गृहमन्त्री रामबहादुर थापासँग प्रश्न उत्तरको समय नदिएको भन्दै कांग्रेसले बिहीबारको बैठक बहिष्कार गरी बाहिरिएको हो ।

अन्तिम अपडेट: माघ १९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्