भारत–चीन विवाद : भारतले ‘जानाजान उक्साएको’ चीनको आरोप

असार ६, २०७७ शनिबार १५:१४:१ | एजेन्सी

काठमाण्डौ – लद्दाखको गलवान उपत्यकामा भारत र चीनको सेनाबीच भएको सङ्घर्षपछि दुवै देशले एक–अर्कालाई आरोप लगाउँदै आइरहेका छन् । यसैबीच चीनले गलवान उपत्यकामा भएको घटनामा भारतले 'जानाजान उक्साएको' र भारत नै जिम्मेवार रहेको आरोप लगाएको छ ।

चिनियाँ विदेश मन्त्रालयका प्रवक्ता झाओ लिजियानले दैनिक प्रेस ब्रिफिङमा गलवान उपत्यकामा भएको घटनाक्रमपछि भारतमा चीनविरुद्धको प्रदर्शन र चिनियाँ सामान बहिष्कार गर्ने अपिलको पछाडि भारत नै जिम्मेवार रहेको बताएका हुन् ।

प्रवक्ता लिजियानले दुवै देशको सैन्य र कुटनीतिक माध्यमबाट वार्ता गरिरहेको र तनाव कम गर्न जोड दिइरहेको बताए । उनले भने, ‘चीनले भारतसँगको सम्बन्धलाई महत्त्व दिन्छ र भारत पनि चीनसँग मिलेर दुरगामी विकासको लागि द्विपक्षीय सम्बन्ध राम्रो बनाइराख्न काम गर्नेमा आशा गर्छौँ ।’

यसैबीच प्रवक्ता लिजियानले आफ्नो देशको हिरासतमा कुनै भारतीय नभएको बताएका छन् । साथै चीनले गलवान उपत्यका आफ्नो अधिकारको क्षेत्र भएको दाबी गरेको छ ।

गएको सोमबार भारतीय र चिनियाँ सेनाबीच हिंसात्मक झडप हुँदा भारतका २० सैनिकको ज्यान गएको थियो । झडपमा चीनतर्फका केही सैनिक घाइते भएको बताइएको छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्