दक्षिण काेरिया : प्रतिबन्धमा फेरि कडाइ गरिँदै

असार ८, २०७७ सोमबार १३:३३:२३ | एजेन्सी

काठमाण्डाै – दक्षिण काेरियाकाे पाँचाैँ सबैभन्दा ठूलाे शहर दाइज्याेङ्ग शहर फेरि एक पटक प्रतिबन्ध र सामाजिक दुरीकाे नियममा कडाइ गर्न गइरहेकाे छ । काेराेना भाइरसकाे सङ्क्रमण समूहगत रुपमा देखिन थालेपछि याे फैसला लिइएकाे बताइएकाे छ ।

दक्षिण काेरियामा पछिल्लाे २४ घण्टामा १७ जनामा काेराेना सङ्क्रमण देखिएकाे छ । तीमध्ये ६ जना विदेशबाट फर्किएका नागरिक हुन् ।

तर अधिकारीहरु अझै पनि छिटपुट प्रकाेपलाई लिएर चिन्तित छन् । विशेषगरी अधिकारीहरु दक्षिण काेरियाकाे राजधानी सियाेलबाट ५० माइल डेजाेन शहरलाई लिएर चिन्तित बनेका हुन् । मानिसहरुलाई सामूहिक रुपमा जम्मा हुन प्रतिबन्ध लगाइएकाे छ ।

सार्वजनिक स्थलहरु: सङ्ग्रहालय, खेल हल र पुस्तकालयमा सबै प्रकारकाे सभामा प्रतिबन्ध लगाइएकाे छ । सङ्क्रमणलाई मध्यनजर गर्दै २० वटा चर्च पनि बन्द गरिएकाे जनाइएकाे छ ।

गएकाे फेब्रुअरी महिनामा दक्षिण काेरियामा चर्च काेराेना भाइरस प्रकाेपकाे सबैभन्दा ठूलाे केन्द्र बनेकाे थियाे, जब ६ हजारभन्दा धेरै सदस्य सङ्क्रमित भएका थिए ।

सियाेल शहरका मेयरले भाइरस सङ्क्रमणकाे दाेस्राे लहर देखिने स्थितिलाई मध्यनजर गर्दै आफूले तयारी गरिरहेकाे बताएका छन् ।

राजधानीमा सङ्क्रमण देखिएकाे अवस्थामा सहजरुपमा लड्नकाे लागि अधिकारीहरुले धेरैभन्दा धेरै कन्ट्याक्ट ट्याकर्सलाई भर्ना गरिरहेका छन्, साथै अस्पतालमा शय्या सुरक्षित गरिरहेका छन् ।

यसैबीच पछिल्लो २४ घण्टामा एक लाख ८३ हजार सङ्क्रमित थपिएका छन् । काेराेना महामारी सुरु भएपछि एकैदिनमा सङ्क्रमित भएकाकाे याे सङ्ख्या अहिलेसम्मकै धेरै भएकाे विश्व स्वास्थ्य सङ्गठनले जनाएकाे छ । याेसँगै विश्वभर सङ्क्रमित हुनेकाे सङ्ख्या ९० लाख ४५ हजार नाघेकाे छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्