दाङमा थप एक वडाध्यक्षमा काेराेना सङ्क्रमण, जिल्लाभर ४ जनप्रतिनिधि सङ्क्रमित

असार १०, २०७७ बुधबार २१:१३:१६ | हेमराज शर्मा

दाङ – दाङको बङ्गलाचुली गाउँपालिकाका एक वडाध्यक्षलाई कोरोना सङ्क्रमण पुष्टि भएको छ । राप्ती स्वास्थ्य विज्ञान प्रतिष्ठानमा गरिएको स्वाब परीक्षणमा वडा अध्यक्षमा कोरोना सङ्क्रमण पुष्टि भएको हो ।

कालिका प्राथमिक विद्यालय पुरुङ छेडा र एकीकृत नमुना बस्ती बडीपोखराको क्वरेण्टीन व्यवस्थापनमा खटिनुभएका वडाध्यक्षकाे बुधबार कोरोना रिपाेर्ट पाेजेटिभ आएको गाउँपालिकाका प्रेस संयोजक जीवन नेपालीले जानकारी दिनुभयो । बुधबार वडाध्यक्षसहित ४२ जनामा कोरोना पुष्टि भएको छ ।

यसअघि बङ्गलाचुली गाउँपालिकाकै अर्का वडाध्यक्ष र वडाका सदस्यमा पनि कोरोना देखिएको थियो । योसँगै बङ्गलाचुलीमा मात्रै तीन जना जनप्रतिनिधिमा कोरोना पोजेटिभ देखिएको छ ।
साथै दाङमा कोरोना सङ्क्रमित जनप्रतिनिधिको सङ्ख्या चार पुगेको छ । घोराही उपमहानगरपालिकाका एक वडाध्यक्षमा पनि कोरोना पुष्टि भएकाे थियाे ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्