सीमा क्षेत्रका नेपाली स्याउलाले छेकबार गरेर बाली जोगाउँदै

असार ११, २०७७ बिहीबार १०:४१:१८ | हेमराज शर्मा

दाङ – नेपाल–भारत सीमा क्षेत्रमा बसोबास गर्ने नागरिकले स्याउलाले बार लगाएर बाली जोगाउने गरेका छन् ।

दुई देशको सीमा छुट्याउने कुनै पर्खाल छैन । भएका सीमा स्तम्भ सबै मर्मत भएका छैनन् । भारतीय क्षेत्रमा घना जंगल छ । त्यहाँका जनावर नेपालतर्फ आएर बालीनाली खाईदिन्छन् ।

सीमामा कुनै छेकबार नभएपछि स्याउलाले बारिएको खेतपातीसँगै सिमाना जोगाउने काममा लागेको राजपुर गाउँपालिका वडा नं। ७ भौवा निवासी श्यामबहादुर झाँक्रीले बताउनुभयो ।

‘हामी बसेदेखि सीमा मिचिएको त छैन । तर पुराना भएका सीमा स्तम्भ मर्मत भएका छैनन्’ झाँक्रीले भन्नुभयो, ‘देशको सीमा छुट्याउने आधार सीमा स्तम्भ हो, योबाहेक अरु केही पनि संरचना छैनन्, भएका सीमा स्तम्भ समेत जीर्ण बनेका छन् ।’

भौवा नाका क्षेत्रका सबै बासिन्दाले स्याउलाको छेकबार गरेर खेतीपातीको काम गरिरहेका छन् ।

दाङ क्षेत्रमा नेपाल र भारतको सिमाना छुट्टाउने सीमा स्तम्भ जीर्ण बनेका हुन् । कुल ७७ वटा सीमा स्तम्भमध्ये दुवै देशले करिब एक वर्ष अगाडि नै ६० वटा सीमा स्तम्भ मर्मत गरे पनि १७ वटा सीमा स्तम्भको अझै मर्मत हुन सकेको छैन।

दुवै देशले सीमा स्तम्भ मर्मत गर्ने कानुनी प्रावधान छ । जोर र बिजोर नम्बरका आधारमा सीमा स्तम्भ मर्मत गर्नुपर्ने हो । तर अझै १७ ओटा सीमा स्तम्भ मर्मत हुन बाँकी रहेको दाङका प्रमुख जिल्ला अधिकारी गोबिन्द रिजालले जानकारी दिनुभयो ।

अन्तिम अपडेट: मंसिर २६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्