‘चीनले नेपाली भूमि मिच्यो’ भनेर सञ्चारमाध्यममा आएका समाचारमा सत्यता छैन : मन्त्रालय

असार ११, २०७७ बिहीबार १८:३५:११ | उज्यालो सहकर्मी

काठमाण्डौ – परराष्ट्र मन्त्रालयले चीनले नेपालको भूमि मिचेको भन्ने समाचारप्रति आफ्नो ध्यानाकर्षण भएको जनाएको छ ।

बिहीबार प्रेस विज्ञप्ति निकाल्दै मन्त्रालयले कृषि तथा पशुपंक्षी मन्त्रालयको अस्तित्वमा नै नरहेको प्रतिवेदनलाई आधार बनाएर सञ्चारमाध्यममा आएका समाचारमा कुनै सत्यता नभएको जनाएको हो ।

सन् १९६१ अक्टोबर ५ तारिखको सीमा सम्झौता अनुसार नेपाल–चीनबीचको सीमा तय भएको र समाचारमा बताइए अनुसार हराइरहेको भनिएका चीनसँगको सीमा स्तम्भ नम्बर ३७ र ३८ प्राकृतिक कठिनाइको कारण निर्माण नै नगरिएको विज्ञप्तिमा उल्लेख गरिएको छ ।

सीमाको विषयलाई लिएर कुनै पनि समस्या आएमा दुई देशका अधिकारीबीचको आपसी समन्वयमा समाधान गरिने पनि विज्ञप्तिमा बताइएको छ । ‘यस्तो संवेदनशील विषयमा टिप्पणी गर्नुअघि सञ्चारमाध्यमले सम्बन्धित प्राधिकरणबाट सूचना प्रमाणीकरण गर्न अनुरोध गर्दछौँ । यस्ता समाचार प्रसारण गर्दा दुई देशबीचको सम्बन्धमा प्रतिकूल असर पर्नेबारे सोच्नुपर्छ’, विज्ञप्तिमा भनिएको छ ।

अन्तिम अपडेट: माघ १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्