कानुनमन्त्रीमा नियुक्त भएका ढकाल को हुन् ?

साउन १८, २०७५ शुक्रबार १४:४२:५३ | उज्यालो सहकर्मी

काठमाडौं – प्रधानमन्त्री केपी शर्मा ओलीले कानुनमन्त्रीमा नेपाल कम्युनिष्ट पार्टीका सांसद भानुभक्त ढकाललाई नियुक्त गर्नुभएको छ ।

बंगलादेशमा चिकित्सा शिक्षा अध्ययन गर्न जाने नेपाली छात्राका बारेमा आपत्तिजनक अभिव्यक्ति दिएपछि शेरबहादुर तामाङले कानुनमन्त्रीबाट राजीनामा दिनुभएको थियो । त्यसपछि रिक्त रहेको पदमा ढकाललाई नियुक्त गरिएको हो ।

को हुन् ढकाल ?

२०७४ सालकाे संघीस संसदकाे चुनावमा मोरङ क्षेत्र नम्बर ३ बाट भानुभक्त ढकालले कांग्रेसका सुनिलकुमार शर्मालाई पराजित गर्नुभएको थियो ।

नेपाल कम्युनिष्ट पार्टी(नेकपा) का केन्द्रीय सदस्य भानुभक्त ढकालको जन्म २०१८ सालको पुस २१ गते तेह्रथुमको ओख्रेमा भएको हो । उहाँले स्नातकोत्तर तहसम्मको अध्ययन पूरा गर्नु भएको छ ।

सिंहबाहिनी व्यावसायिक मावि, म्याङलुङबाट एसएलसी दिएका ढकालले नेपाल ल क्याम्पसबाट आइएल र बीएल गर्नुभयो । उहाँले त्रिभुवन विश्वविद्यालयबाट एमए गर्नु भएको हो ।

तेह्रथुममा जन्मिएका ढकालको हालको बसोबास सुन्दर हरैचा १२ मोरङमा छ । २०३५ सालमा अखिलबाट राजनीति सुरु गरेका ढकालले २०५३ सालमा अखिलको महासचिव भएपछि विद्यार्थी राजनीति छाड्नुभएको थियो । विभिन्न राजनीतिक आन्दोलनका क्रममा ढकालले पटक–पटक गरी ३ वर्ष बन्दी जीवन बिताउनु भएको छ ।

२०७० सालको संविधानसभा चुनावमा समानुपातिक तर्फबाट सभाषद बनेका ढकाल १ वर्ष ९ महिना तत्कालीन नेकपा एमालेको प्रमुख सचेतक हुनुभएको थियो ।

अन्तिम अपडेट: माघ ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्