संसदीय सुनुवाइबाट अस्वीकृत हुने जोशी पहिलो व्यक्ति

साउन १८, २०७५ शुक्रबार १४:५१:१६ | उज्यालो सहकर्मी

काठमाडौं – संसदीय सुनुवाई समितिले इतिहासमै पहिलो पटक प्रधानन्यायाधीशमा सिफारिस भएकालाई अस्वीकृत गरेको छ ।

समितिको शुक्रबारको बैठकले प्रधानन्यायाधीशमा सिफारिस दीपकराज जोशीलाई अस्वीकृत गरेको हो । यसअघि सिफारिस भएका सबै संसदीय सुनवाइबाट अनुमोदन हुँदै आएका थिए ।

समितिको दुई तिहाई बहुमतले जोशीलाई अस्वीकृत गरेको हो। प्रमुख प्रतिपक्षी नेपाली कांग्रेसले बैठक बहिष्कार गरेर निस्केपछि बसेको समितिको बैठकमा दुईतिहाइले जोशीको सिफारिश अस्वीकृत गर्ने निर्णय गरेको हो।

संवैधानिक परिषदबाट सिफारिस भएका व्यक्तिलाई अस्वीकृत गर्नु न्यायलयमाथि हस्तक्षेप भएको कांग्रेसको दाबी छ । यसअघि पनि कांग्रेसले यही अडान राखेपछि बैठक पटकपटक स्थगित हुँदै आएको थियो । शुक्रबार कांग्रेस सांसदहरू निस्केपछि बसेको समिति बैठकले जोशीबारे मतदान भएको थियो।

समितिका सभापति लक्ष्मणलाल कर्णले जोशीलाई अस्वीकृत गर्ने पक्षमा १० भोट र स्वीकृत गर्नेमा शून्य भोट परेकाले उनको सिफारिस अस्वीकृत भएको बताए। १५ सदस्यीय समितिमा नेकपाको ९ र संघीय समाजवादी फोरमको १ गरी सत्तारुढ दलको १० अर्थात दुई तिहाई मत थियो ।

साउन १० गते संसदीय सुनुवाइ भएका जोशीका शैक्षिक प्रमाणपत्र, जन्ममिति र फैसला विवादस्पद देखिएपछि समितिले प्रधानन्यायाधीशमा अस्वीकृत गरेको हो ।

अन्तिम अपडेट: माघ ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्