आज खाडी र मलेसियाबाट १५ सय ३० नेपाली स्वदेश आइपुगे, सबैभन्दा धेरै कतारबाट

 असार १६, २०७७ मंगलबार १९:३०:५९ | उज्यालो सहकर्मी

काठमाण्डौ – आज विभिन्न देशबाट १५ सय ३० जना नेपाली स्वदेश फर्किएका छन् । आज सबैभन्दा धेरै कतारबाट ४९८ जना नेपाली स्वदेश फर्किएका त्रिभुवन अन्तर्राष्ट्रिय विमानस्थलले जनाएको छ । नेपाली ल्याउनको लागि विभिन्न देशबाट आठवटा उडान भएको छ ।

नेपाल एअरलाइन्सले कतारको दोहाबाट २६२ जना नेपाली ल्याएको छ । कतारबाट १० वटा शव पनि ल्याएको छ । यस्तै कतार एअरवेजमार्फत दोहाबाटै ९ बच्चासहित २३६ जना नेपाली स्वदेश आइपुगेका छन् ।

आज कुवेतमा समस्यामा रहेका नेपालीको स्वदेश फिर्तीका लागि तीन उडान भएका छन् । तीन उडानमार्फत ४७१ जना स्वदेश आइपुगेका छन् । नेपाल एअरलाइन्सको चार्टर्ड उडानमार्फत १४९ जना र कुवेत सरकारले नै त्यहाँ आममाफीमा सहभागी ३२२ जनालाई जजिरा एअरको दुई उडानमार्फत नेपाल पठाइदिएको हो ।

यस्तै आज नेपाल एअरलाइन्सकै चार्टर्ड उडानमार्फत यूएईको दुबईबाट एक बच्चासहित २६२ जना नेपाली स्वदेश आइपुगेका छन् । एउटा शव पनि ल्याइएको छ । नेपाल एअरलाइन्सकै चार्टर्ड उडानमार्फत मलेसियाको क्लालाम्पुरबाट १४६ जना स्वदेश आइपुगेका विमानस्थलले जनाएको छ ।

आज साउदीको दमामबाट हिमालय एअरको चार्टर्ड उडानमार्फत १५३ जना नेपाली स्वदेश आइपुगेका छन् । आजै नेपाल एअरलाइन्स र हिमालय एअरलाइन्स खाडीका विभिन्न देशमा नेपाली लिन गएका छन् ।

नेपाल एअरलाइन्सका जहाज साउदीको रियाद र कतारको दोहा गएका छन् भने हिमालय एयरका जहाज यूएईको आबुधाबी र कतारको दोहा गएको विमानस्थलले जनाएको छ । यी जहाज त्यहाँ समस्यामा परेका नेपाली लिएर भोलि बिहान काठमाण्डौ आइपुग्नेछन् । आज नेपाली ल्याउन र लिन जान गरी १२ वटा अन्तर्राष्ट्रिय उडान भएको विमानस्थलले जनाएको छ ।

भोलि कहाँ कहाँबाट आउँदैछन् नेपाली ?

भोलि बुधबार खाडीका देश र मलेसियाबाट १० उडानमार्फत नेपालीहरु स्वदेश फर्कनेछन् । विमानस्थलका अनुसार भोलि कुवेत, यूएई, मलेसिया, कतार र साउदीबाट नेपालीहरु स्वदेश फर्कंदैछन् । भोलि साउदीबाट दुईवटा उडानमार्फत नेपालीहरु फर्कनेछन्। साउदीको रियादबाट नेपाल एअरलाइन्स र दमामबाट हिमालय एअरलाइन्सले नेपाली लिएर आउनेछन् भने नेपाल एअरलाइन्स साउदीको जेद्दामा नेपाली लिन जानेछ ।

भोलि यूएईबाट तीन उडानमार्फत नेपालीहरु फर्कंदै छन् भने मलेसियाबाट एक उडानमार्फत नेपालीहरु आउनेछन् । भोलि कतारबाट हिमालय र नेपाल एअरलाइन्सले त्यहाँ समस्यामा परेका नेपाली ल्याउनेछन् । कुवेतमा आममाफीमा सहभागी नेपाली जजिरा एअरको दुई उडानमार्फत नेपाल आउँदैछन् भने नेपाल एअरलान्स पनि कुवेतमा समस्यामा रहेका नेपाली लिन जानेछ ।

अन्तिम अपडेट: मंसिर ७, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

जहाजमा उड्ने पैसा नहुँदा विश्वकप क्रिकेट खेल्न नेत्रहीन टोली रेलबाटै पाकिस्तान प्रस्थान

२

नेपाल एअरलाइन्सको अन्तर्राष्ट्रिय भाडादरमा छुट

३

अलैंचीको मूल्य उच्च विन्दूमा, ४० किलाेकाे एक लाख सात हजार रुपैयाँ

४

हवाई भाडा नघटेकोमा पर्यटनमन्त्री पाण्डे आक्रोशित, २४ घण्टाभित्र टिकटको मूल्य उपलब्ध गराउन निर्देशन

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई