सडक अवरुद्ध भएसँगै कालोबजारी बढ्यो

असार ३०, २०७७ मंगलबार ७:८:२५ | निमेन्द्र शाही

बाजुरा – पहिरो खसेपछि बाजुराको साँफे–मार्तडी सडकखण्ड अबरुद्ध भएको छ ।

बल्देदेखि पानीनाउँलासम्म विभिन्न ठाउँमा पहिरो खसेपछि सडकखण्ड अबरुद्ध भएको हो । झण्डै पाँच किलोमिटर सडकको बीचबीचमा पहिरो खसेपछि सदरमुकाम पुग्नै समस्या भएको छ ।

यस्तै हुम्ला र मुगु जाने यात्रुहरुले समेत सास्ती ब्यहोर्नु परेको छ । बाटो बन्द भएसँगै गाडी चल्न नसक्दा बाजुरामा कालोबजारी पनि बढेको स्थानीयको गुनासो छ ।

पहिरो हटाउने प्र्रयास गरे पनि नसकिएको बडिमालिका नगरपालिका ७ का वडाध्यक्ष धर्मराज पाध्यायले बताउनुभयो । उहाँले भन्नुभयो, ‘वर्षातको समयमा यो सडकखण्ड अवरुद्ध हुने भएकाले नयाँ विकल्प सोच्नुपर्छ ।’

यस्तै सडक डिभिजन कार्यालय अछामका प्रमुख ललिजन खनालले साँफे मार्तडी सडकको बल्देदेखि पानीनाउँलासम्मको सडक पहिरोले बगाएकाले नयाँ डाइभर्सन निकाल्ने ठाउँ पनि नभएकाले वैकल्पिक बाटोको योजना बनाउनुपर्ने बताउनुभयो ।

प्रमुख जिल्ला अधिकारी कृष्ण गैरेले दीर्घकालीन योजना बनाउन चासो नदिँदा बर्सेनि यो समस्या आउने गरेको बताउनुभयो ।

अन्तिम अपडेट: मंसिर २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

निमेन्द्र शाही

बाजुराका पत्रकार निमेन्द्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्