'तपाईँको मास्क खै ?'

साउन १४, २०७७ बुधबार १९:६:५० | बुद्ध तामाङ

भोजपुर – लकडाउन खुकुलो भए पनि कोरोना सङ्क्रमणकाे जोखिम कायम रहेकाे भन्दै भोजपुरमा प्रहरीले मास्क अभियान थालेको छ ।

मास्क नलगाइ यात्रा गर्ने सर्वसाधारणलाई सचेत गराउनका लागि जिल्ला प्रहरी कार्यालयको अगुवाइमा ‘तपाईँको मास्क खै’ अभियान सुरु भएकाे हो ।

प्रहरीले सदरमुकाम र आसपासका मुख्य बजार क्षेत्रमा सर्वसाधारण र सवारी चालकलाई मास्क वितरण गर्दै अभियान चलाएको हाे । मास्क प्रयोग नगरि हिँड्ने सर्वसाधारणलाई मास्क अनिवार्य गर्न अनुरोध गर्दै सचेतनामूलक अभियान थालेको प्रहरी निरीक्षक (इन्सपेक्टर) प्रदीप लामाले बताउनुभयाे ।

कोरोना सङ्क्रमणको जोखिमलाई मध्यनजर गर्दै मास्क नलगाइ सडकमा यात्रा गरिएको भेटिएमा प्रहरीले कारबाहीसमेत गर्ने बताएको छ । सदरमुकामलगायत मुख्य सडकखण्ड र बजार क्षेत्रमा सर्वसाधारणको भिड बढ्न थालेपछि नेपाल रेडक्रस सोसाइटी र स्थानीय सरोकारवालाको सहकार्यमा प्रहरीले अभियान थालेकाे हो ।

यसअघि भोजपुरमा गएकाे वैशाख ११ गते हतुवागढी गाउँपालिकाका एक र गएकाे जेठ २२ गते षडानन्द नगरपालिकाका पाँच जनालाई कोरोना सङ्क्रमण देखिएको थियो । अहिले भोजपुर कोरोनामुक्ता जिल्ला भएको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

बुद्ध तामाङ

बुद्ध तामाङ भोजपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्