ओलीले सरकार चलाउने र प्रचण्डले पार्टी सञ्चालन गर्ने सुझावसहित कार्यदलले बुझायो प्रतिवेदन

भदौ ६, २०७७ शनिबार १७:५४:७ | उज्यालो सहकर्मी

काठमाण्डौ – पार्टीभित्रको विवाद समाधानका लागि सुझाव पेश गर्न बनेको सत्तारुढ नेपाल कम्युनिष्ट पार्टी (नेकपा)को ६ सदस्यीय कार्यदलले प्रतिवेदन बुझाएको छ ।

कार्यदलले आफ्नो प्रतिवेदन सर्वसम्मत तयार गरेर दुई अध्यक्षलाई बुझाएको प्रधानमन्त्री एवं पार्टी अध्यक्ष केपी शर्मा ओलीका प्रेस सल्लाहकार सूर्य थापाले जानकारी दिनुभयो ।

प्रतिवेदनबारे दुई अध्यक्षहरु केपी शर्मा ओली र पुष्पकमल दाहाल प्रचण्डबीच छलफल हुने र त्यसपछि सचिवालय बैठकमा पेश गरिने कार्यदलले जनाएको छ । प्रतिवेदनमा अध्यक्ष ओलीले पुरै ५ वर्ष सरकार चलाउने र अर्का अध्यक्ष प्रचण्डले पार्टी सञ्चालन गर्ने लगायत सुझाव समेटिएका छन् ।

विवाद समाधानका लागि सुझाव तयार पार्न भन्दै ८ दिनअघि गएको साउन ३० गते कार्यदल गठन भएको थियो । महासचिव विष्णु पौडेलको संयोजकत्वमा रहेको कार्यदलमा शंकर पोखरेल, सुरेन्द्र पाण्डे, भीम रावल, जनार्दन शर्मा र पम्फा भुसाल गरी ६ जना सदस्यहरु रहेका छन् ।

अन्तिम अपडेट: माघ १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्