बैतडीमा एक हप्ता लम्बियाे निषेधाज्ञा

भदौ १४, २०७७ आइतबार २०:२०:१६ | जयराज अवस्थी

बैतडी – बैतडीमा कोरोना भाइरसको जोखिम बढेको भन्दै आउँदाे भदौ २१ गतेसम्म निषेधाज्ञा थपिएको छ ।

भदौ ८ देखि जारी निषेधाज्ञा आइतबार राति १२ बजेदेखि सकिँदै थियो । आइतबार बसेको जिल्ला सुरक्षा समिति र जिल्लास्तरीय कोभिड सङ्कट व्यवस्थापन केन्द्रको बैठकले भदौ २१ गते राति १२ बजेसम्मका लागि निषेधाज्ञा लम्ब्याउने निर्णय गरेको सहायक प्रमुख जिल्ला अधिकारी लोकेन्द्रसिंह नेगीले जानकारी दिनुभयो ।

सङ्क्रामक रोग ऐन २०२० र स्थानीय प्रशासन ऐन २०२८ को दफा ६ को उपदफा ३ बमोजिम निषेधाज्ञा जारी गरिएको उहाँले बताउनुभयो । भदौ ८ गते जारी भएको आदेशलाई अझै कडाइका साथ लागू गर्ने निर्णयसहित निषेधाज्ञाको अवधि थप्ने निर्णय भएको प्रमुख जिल्ला अधिकारी मोहनराज जोशीले जानकारी दिनुभयो ।

निषेधाज्ञा जारी भएको अवधिमा अत्यावश्यक सेवा तथा वस्तु बाहेक सबै प्रकारका उद्योग, व्यापार व्यवसाय बन्द रहने जनाइएको छ । यस्तै अत्यावश्यक काम बाहेक कसैले बाहिर हिँडडुल गर्न पाउने छैन भने बाहिर निस्कनै परेमा अनिवार्य रुपमा मास्कको प्रयोग गर्नुपर्नेछ ।

जिल्ला प्रशासन कार्यालयले जारी गरेको आदेश विपरीत कसैले कार्य गरेमा कानुन अनुसार कारवाही हुने सहायक प्रमुख जिल्ला अधिकारीले नेगीले बताउनुभयो ।

अन्तिम अपडेट: पुस १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्