‘ओभरस्टे’ बापतको जरिवाना तिर्न नसक्दा दुबई विमानस्थलमै अड्किए १७ नेपाली

भदौ १५, २०७७ सोमबार १०:४५:९ | उज्यालो सहकर्मी

काठमाण्डौ – जरिवाना तिर्न नसक्दा यूएईबाट नेपाल एअरलाइन्समार्फत घर फर्कन टिकट काटिसकेका १७ जना नेपाली दुबई विमानस्थलमा अड्किएका छन् ।

सोमबार नेपाल एअरलाइन्सको चार्टर्ड उडानमार्फत घर फर्कन टिकट काटिसकेका २६८ जनामध्ये १७ जनाले भने भिसाको अवधि सकिंदा तिर्नुपर्ने ओभरस्टे बापतको जरिवाना तिर्न नसक्दा नेपाल फर्कन नपाएको नेपाल एअरलाइन्सको यूएई प्रतिनिधि टिकाराम पंगेनीले जानकारी दिनुभयो ।

आज नेपाल एअरलाइन्समार्फत नेपाल फर्कने अधिकांश नेपालीले जरिवाना तिरेका छन् । जरिवाना बापतको रकम धेरै नै भएका ४५ जनामध्ये १७ जनालाई कसैगरी पनि पठाउन नसकिएको पंगेनीले बताउनुभयो । उहाँका अनुसार, नेपाल फर्कने अधिकांशले अध्यागमनमा जरिवाना तिर्नुपर्ने भएकाले जहाज निर्धारित समयभन्दा झण्डै चार घण्टा दुबई विमानस्थलमै होल्ड गर्नु पर्‍यो ।

‘हामीले महिनौंदेखि दुःख पाएर टिकट काटिसकेका नेपालीलाई सकेसम्म लैजाउँ भनेर पार्किङ शुल्क तिरेर, जहाज राख्ने अनुमति मागेर पनि कुर्‍यौं तर १७ जनालाई केही गरी पनि पठाउन सकिएन,’ पंगेनीले भन्नुभयो, ‘सबैले जरिवाना बापतको रकम तिर्दा समय लाग्यो, सबैलाई लैजान भनेर हामीले कुर्‍याैं, जसको कारण केही यात्रु भने साढे तीन घण्टाजस्तो जहाजमै बस्न पर्‍यो ।

’ यूएईले मार्च १ भन्दा अघि नै भिसाको अवधि सकिएकालाई जरिवाना नलिने भनेपछि त्यसभन्दा पछि भिसाको अवधि सकिएर पनि स्वदेश नफर्किएकालाई जरिवाना लिइरहेको छ । त्यसैले आज फर्कने नेपालीहरु समयमा घर फर्कने टिकट नपाउँदा, लामो समयसम्म कुर्नुपर्दा जरिवानामा परेका हुन् ।

कतिपयले जरिवाना बापतको रकम ऋण गरेर तिरेका छन् भने कतिपयले खल्तीमा आफूसँग बचेको रकम तिरेर फर्किएका छन् । सरकारले कहिले उद्धार उडान रोक्ने, जहाज सङ्ख्यामा पनि कोटा निर्धारण गर्नेजस्ता नियम लगाउँदा उनीहरु जस्तै थुप्रै श्रमिक जरिवाना तिर्न बाध्य भएका छन् ।

जहाजले नकुरेको भए र सबैले समन्वय नगरेको भए आज नेपाल एअरलाइन्समार्फत फर्कन टिकट काटिसकेका ४५ जना नै फर्कन पाउने थिएनन् । यूएईबाट फर्कंदा जरिवाना तिर्नुपर्ने छ भने त्यो रकम चुक्ता नगरी आउन पार्इंदैन । यदि अध्यागमनले कालो सूचीमा राखेर अनुमति दिएमा आउन पाइन्छ ।

तर त्यसमा लागि सधै अध्यागमनले अनुमति दिन्छ भन्ने हुँदैन । तर कुनै पनि सर्तमा जरिवाना नतिरी अध्यागमनले अनुमति नदिएपछि घर फर्कन झोला बोकेर विमानस्थल पुगिसकेका १७ जना भने दुबई विमानस्थलमै अड्किएका छन् । जहाज केहीबेर अघि काठमाण्डाैका लागि उडेकाे छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Mohan Prakash Raut
Sept. 1, 2020, 11:02 a.m.
नेपाल सरकार को गैर जिम्मेवारी एबम लाचारिपन कारण आज कैयौं नेपाली हरु यो स्थिति भोग्न बाध्य हुनु परेको छ । कमसेकम फ्लाइट चार्टड/नियमित राखिदिए अनि जसको ओभर स्टे भएको छ त्यसलाई पहिलो प्राथमिकता मा राखिदिए राम्रो साथै यो भार पर्ने थिएन ।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

‘ओभरस्टे’ बापतको जरिवाना तिर्न नसक्दा दुबई विमानस्थलमै अड्किए १७ नेपाली

1 Comments

Mohan Prakash Raut

तपाईको प्रतिक्रिया

तपाईको प्रतिक्रिया