नारायणगढ–मुग्लिन सडकखण्ड बन्द

भदौ ३१, २०७७ बुधबार ८:३६:४ | उज्यालो सहकर्मी

काठमाण्डाै – एकैदिन पाँच वर्ष यताकै धेरै पहिरोका कारण नारायणगढ – मुग्लिन सडकखण्ड बन्द भएको छ ।

आज बिहान चितवनको इच्छाकामना गाउँपालिका ६ चारकिलोमा पहिरो गएकाले अहिले यो सडकखण्डमा कुनैपनि गाडी चलेका छैनन् । पहिरो पन्छाउने प्रयास भइरहेको प्रहरीले जनाएको छ । यो सडकखण्डमा बेलाबेला पहिरो जाने समस्याका कारण यात्रु र चालकले जोखिम मोलेर यात्रा गर्नुपर्ने बाध्यता छ ।

एकैदिन पाँच वर्ष यताकै धेरै पहिरो

नारायणगढ – मुग्लिन सडक खण्डमा एकैदिन पाँच वर्ष यताकै धेरै ठाउँमा पहिरो खसेको छ । सडक खण्डको जुगेडीदेखि मुग्लिनसम्म विभिन्न ठाउँमा सोमबार राति साना ठूला गरी ४८ वटा पहिरो खसेका हुन् । डिभिजन सडक कार्यालय भरतपुरका इञ्जिनियर शिव खनालका अनुसार २०७२ साल यता यति धेरै पहिरो एकै पटक खसेको थिएन । खसेका पहिरोमध्ये ७० प्रतिशतभन्दा बढी नयाँ ठाउँमा खसेका छन् ।

जुगेडीदेखि दासढुङ्गासम्म अहिलेसम्म पहिरो नखसेका ठाउँमा पनि यस पटक पहिरो खसेको छ । मनसुनमा लगातारको पानीले गलेको जमिन ठूलो पानी परेपछि लेदोसहितको पहिरो खसेको थियो । चारकिलो, घुमाउने, सत्र किलो र पाँचकिलोमा ठूलो पहिरो र अरु ठाउँमा साना साना पहिरो खसेका हुन् ।

डिभिजन सडक कार्यालय भरतपुरका प्रमुख कृष्णराज अधिकारीले पहिरो खसेलगत्तै हटाउने काम हुँदै आएको बताउनुभयो । यो सडक काठमाण्डौ, पोखरा लगायतका शहरलाई तराईसँग जोड्ने मुख्य सडक हो ।

यसैबीच गोरुसिङगे सन्धिखर्क सडकखण्ड अहिले एकतर्फी मात्रै सञ्चालनमा छ । अर्घाखाँचीको शितगंगा नगरपालिका २ भुवनपाटामा पहिरो गएकाले एकतर्फी रुपमा मात्रै गाडी चलेका हुन् ।

अन्तिम अपडेट: पुस २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

नारायणगढ–मुग्लिन सडकखण्ड बन्द

फाइल फाेटाे

एकैदिन पाँच वर्ष यताकै धेरै पहिरो

तपाईको प्रतिक्रिया