'साेल्टी हाेटलकाे आइसाेलेशनमा बस्दा खर्च भएकाे विवरण मेयर शाक्यले सार्वजनिक गर्नुपर्छ'

भदौ ३१, २०७७ बुधबार १९:५७:१२ | उज्यालो सहकर्मी

काठमाण्डाै – विवेकशील नेपाली दलले काठमाण्डौ महानगरपालिकाका प्रमुख विद्यासुन्दर शाक्यसँग सोल्टी होटलमा 'आइसोलेशन' बस्दा भएको खर्च विवरण माग गरेको छ । गएकाे पालिकाकाे चुनावमा काठमाण्डौ महानगर प्रमुखकी प्रत्याशी एवं दलकी नेत्री रञ्जु दर्शनाले सूचनाको हक बमोजिम निवेदन दर्ता गरेकी हुन् ।

दर्शनासँगै दलका सङ्घीय समिति सदस्यहरु रजिया बानु र प्रमेश श्रेष्ठले शाक्यको पाँच तारे होटलको आइसोलेशनको खर्चमा महानगरले बेहोरेको विवरण तथा महानगरले कोभिड-१९ रोकथामको लागि गरेको खर्च विवरणको सूचना मागिएको हो ।

सूचनाको हक सम्बन्धिको निवेदनमार्फत दर्ता गर्न महानगरपालिका कार्यालय पुगेका दलका नेताहरुले कोभिड सङ्क्रमण नियन्त्रण गर्न असक्षम रहेको र पारदर्शीता कायम नभएको भन्दै असन्तुष्टि जनाएका छन् ।

निवेदन दर्ता गरेपछि नेत्री रञ्जु दर्शनाले भन्नुभयाे, 'नागरिकको जिउ धनको रक्षा गर्न असक्षम मात्र होइन, महानगरका गतिविधिहरुमा पारदर्शीता कायम नभएकोमा समेत हामीले महानगरको ध्यानाकर्षण गरायौँ ।' निवेदनमा माग भए बमोजिमको सूचना प्राप्त भएपछि त्यसको विश्लेषण गरेर भावी कदम चाल्ने विवेकशील नेपालीको तयारी छ ।

विवेकशील नेपाली दलले सूचनाको हक उपयोग गर्दै सूचना माग गर्ने निवेदन लेख्न सजिलो हुने वेबसाइट निर्माण गरेको छ । https://rti.bibeksheelnepali.com/ मा गएर सामान्य विवरण भरेर तोकिएको ढाँचामा निवेदन तयार हुने गर्दछ ।

अन्तिम अपडेट: माघ ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्