सरकारले ३ दिनमा ४६ क्विन्टल प्याज बेच्यो, १ जनाले बढीमा ३ किलाेसम्म किन्न पाउने

असोज १२, २०७७ सोमबार १४:२३:४२ | उज्यालो सहकर्मी

काठमाण्डाै – सरकारले तीन दिनमा ४६ क्विन्टल प्याज बिक्री गरेको छ । बजारमा जफत गरेको एक सय ४६ क्विन्टल प्याजमध्ये आइतबारसम्ममा ४६ क्विन्टल प्याज बिक्री गरेको खाद्य व्यवस्था तथा बजार व्यापार कम्पनी लिमिटेडकी सूचना अधिकारी शर्मिला न्यौपाने सुवेदीले जानकारी दिनुभयो ।

कम्पनीले गएको शुक्रबारदेखि बजार अनुगमनका क्रममा जफत भएका प्याज बिक्री गरिरहेको हो । बजारमा एक सय ३० रुपैयाँभन्दा बढीमा प्याजको बिक्री भइरहेको छ । यो मूल्य पसलैपिच्छे फरक छ । किलोको एक सय ३० भन्दा कम मूल्यमा खुद्रा पसलमा प्याज पाइँदैन ।

सरकारले गएको हप्ता बल्खु तरकारी बजारमा अनुगमनका क्रममा जफत भएको प्याज किलोको ६० रुपैयाँमा बेचिरहेको छ । किलोको ६० रुपैयाँमा प्याज पाइने भएपछि खाद्य व्यवस्था तथा व्यापार कम्पनी लिमिटेडमा उपभोक्ताको लामो लाइन छ ।

कम्पनीले एक जनालाई बढीमा तीन किलोसम्म प्याज बिक्री गरिरहेको छ । प्याज किन्न पुग्ने उपभोक्ताले सामान्य स्वास्थ्य मापदण्डको पालनासमेत गरेका छैनन् । लाइन व्यवस्थित गराउन मुश्किल भएको कम्पनीकी सूचना अधिकारी शर्मिला न्यौपाने सुवेदीले बताउनुभयो । कम्पनी परिसरमा दुरी कायम गर्न सेतो घेरा बनाए पनि त्यो पालना नभएको उहाँले बताउनुभयो ।

काठमाण्डौको मुख्य थोक बजार कालीमाटी फलफुल तथा तरकारी बजारमा सोमबार प्याज किलोको एक सय रुपैयाँ तोकिएको छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्