सुशान्त सिंह प्रकरण : हत्या नभइ आत्महत्या हाे – एम्स रिपाेर्ट

असोज १८, २०७७ आइतबार १६:१८:७ | एजेन्सी

काठमाण्डाै – बलिवुड अभिनेता सुशान्त सिंह राजपूतको मृत्युको साढे तीन महिनापछि अहिलेसम्मकै ठूलो खुलासा भएको छ । आत्महत्या र हत्याबीच उल्झिएको सुशान्त सिंह राजपूतको मृत्युको सम्बन्धमा नयाँ मोड आएको हो ।

फिल्म अभिनेता सुशान्त सिंह राजपूत प्रकरणमा अल इण्डिया इन्स्टिच्युट अफ मेडिकल साइन्सेस् (एम्स) को फरेन्सिक डाक्टरहरुको टिमले केन्द्रीय अनुसन्धान ब्युरो (सीबीआई) ले रिपोर्ट बुझाएको छ ।

एम्सको रिपोर्टमा सुशान्तको हत्या भएको अस्वीकार गर्दै उनको मृत्युको कारण आत्महत्या भएको बताइएको छ । एम्सको यो रिपोर्टले सुशान्तको हत्या नै भएको हो भन्दै आएका उनका परिवारलाई ठूलो झट्का पुगेको छ ।

गएको २८ सेप्टेम्बरमा एम्सका फरेन्सिक डाक्टरको टिम र सीबीआईबीच एक महत्त्वपूर्ण बैठक भएको थियो । जसमा एम्सले सीबीआईलाई ‘भिजरा’ जाँचको रिपोर्ट सुम्पिएको थियो । विसरा जाँचअनुसार विषको पुष्टि भएको थिएन । यससम्बन्धमा डाक्टर सुधीर गुप्ताले एम्सको टिम जाँचको नतिजामा पुगेको बताएका थिए ।

एम्सको फरेन्सिक टिम र सीबीआई एक–अर्काको नतिजामा सहमत छन् तर तार्किक निष्कर्षमा पुग्न केही कानुनी पक्षलाई ध्यानमा राख्नु आवश्यक छ । त्यसपछि एम्सको फरेन्सिक टिमले पूरा जाँच गरेपछि फाइनल रिपोर्ट सीबीआईलाई सुम्पिनेछ ।

एम्सका डाक्टरहरुको एक प्यानलले सीबीआईलाई आफ्नो राय दिँदै अभिनेता सुशान्त सिंह राजपूतको हत्या नभइ आत्महत्या प्रकरण भएको जनाएको हो ।

अभिनेताको मृत्यु प्रकरणमा जुटेको सीबीआईले अहिलेसम्म प्राप्त प्रमाणहरुलाई लिएर अध्ययन गरी निष्कर्षमा पुग्ने जनाएको छ ।

गएको जुन १४ मा सुशान्त मुम्बईमा रहेको आफ्नै फ्ल्याटमा झुण्डिएको अवस्थामा भेटिएका थिए । त्यो घटनायता बलिवुडमा नेपोटिजमदेखि ड्रग्ससम्मका विषयमा अनुसन्धान भइरहेको छ ।

सुशान्त सिंह प्रकरणको जाँच तीन केन्द्रीय एजेन्सीले गरिरहेका छन् । पैसाको लेनदेनको विषयमा ईडी, मृत्युको विषयमा सीबीआई र लागुऔषधसँग जोडिएको विषयमा एनसीबीले जाँच गरिरहेको छ ।

अन्तिम अपडेट: मंसिर १८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्