नेपालमा कोरोना सङ्क्रमितको सङ्ख्या चीनमा भन्दा धेरै

असोज १८, २०७७ आइतबार १९:५१:४५ | उज्यालो सहकर्मी

काठमाण्डाै – नेपालमा पछिल्लो २४ घण्टामा दुई हजार दुई सय जनामा कोरोना भाइरसको सङ्क्रमण पुष्टि भएको छ । योसँगै नेपालमा सङ्क्रमितको कुल सङ्ख्या ८६ हजार आठ सय २३ पुगेको छ ।

अब सङ्क्रमितको सङ्ख्याको आधारमा नेपाल चीनभन्दा अघि पुगेको छ । चीनमा अहिलेसम्म ८५ हजार चार सय ५० जनामा सङ्क्रमण पुष्टि भएको छ ।

गएको डिसेम्बर महिनामा कोरोनाको सङ्क्रमण फैलिन थालेको चीनमा अहिले अवस्था नियन्त्रणतर्फ गइरहँदा नेपालमा भने लगातार बढिरहेको छ । सङ्क्रमणपछि ज्यान गुमाउनेको सङ्ख्या भने चीनमा धेरै छ । चीनमा अहिलेसम्म चार हजार ६ सय ३४ जनाको ज्यान गएको छ भने नेपालमा पाँच सय ३५ पुगेको छ ।

चीनमा सङ्क्रमितमध्ये ८० हजारभन्दा धेरै डिस्चार्ज भइसकेका छन् भने नेपालमा ६४ हजारभन्दा धेरै कोरोनामुक्त भएका छन् । सक्रिय सङ्क्रमितको आधारमा भने नेपाल अघि छ । नेपालमा अहिले २२ हजारभन्दा धेरै सक्रिय सङ्क्रमित रहेका छन् भने चीनमा मात्र एक सय ९५ जना छन् ।

आइतबार साँझसम्म विश्वभर सङ्क्रमितको सङ्ख्या तीन करोड ५१ लाख ९१ हजारभन्दा धेरै छ । सङ्क्रमितमध्ये दुई करोड ६१ लाख ७४ हजारभन्दा धेरै कोरोनामुक्त भएका छन् । त्यस्तै १० लाख ३८ हजारभन्दा धेरैको ज्यान गएको छ ।

चीनमा सङ्क्रमण देखा परेकाे दुई महिनापछि मात्रै नेपालमा काेराेनाका सङ्क्रमित देखिन थालेका थिए ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्