अपहरण तथा शरीर बन्धक मुद्दाका फरार ‘माेस्ट वाण्टेड’ अाराेपी ६ वर्षपछि पक्राउ

साउन २५, २०७५ शुक्रबार १८:३:४४ | हरि हुमागाईं

मकवानपुर - अपहरण तथा शरीर बन्धक मुद्दामा संलग्न भई प्रहरीको मोष्ट वान्टेड सूचीमा समेत रहेका प्रतिवादी बकैया गाउँपालिका वडा नम्बर ४ बस्ने घट्टघरे कान्छा भन्ने दुधबहादुर लाे पक्राउ परेका छन् ।

३ नम्बर प्रदेश प्रहरी कार्यालय हेटौंडाको क्षेत्रीय अनुसन्धान समूहबाट खटिएको प्रहरी टोलीले उनलाई शुक्रबार बिहान पक्राउ गरेको हो ।

वि.सं. २०६९ फागुन २१ गते काठमाण्डौं कुलेश्वरका प्रमोद चौधरीको छोरा अपहरणमा संलग्न भई गएको ६ वर्षदेखि फरार रहेका ४२ वर्षीय लोलाई क्षेत्रीय अनुसन्धान समूहका प्रहरी निरीक्षक रोशन थापाको कमाण्डमा खटिएको प्रहरी टोलीले पक्राउ गरेको ३ नम्बर प्रदेश प्रहरी कार्यालय हेटौँडाले जनाएको छ ।

पक्राउ पर्ने डरले लो आफ्नो घरमा नबसी अर्काको घरमा लुकिछिपी बसिरहेको अवस्थामा पक्राउ परेका हुन् ।

मकवानपुरको हात्तिसुँडे सोफी घर भई विभिन्न अपराध तथा उच्छृङ्खल गतिविधिमा संलग्न लोलाई पक्राउ गर्न विभिन्न प्रहरी कार्यालयले गरेको पटक–पटकको प्रयास असफल भएको थियो ।

हिँडडुल गर्दा हातहतियार बोकेर हिँड्ने र गाउँघरका विभिन्न व्यक्तिहरुलाई कुटपिट गर्ने, झैझगडा गर्ने, जबरजस्ती असुली गर्ने लगायतका कार्यहरुमा संलग्न लोबाट स्थानीय सर्वसाधरण पीडित बनिरहेको सूचना प्राप्त भएको प्रहरीले बताएको छ ।

अपहरणमा संलग्न भएका लो को अन्य अपराधजन्य कार्यमा समेत संलग्नता देखिएकोले त्यस सम्बन्धमा थप अनुसन्धान भैरहेको प्रहरीले जनाएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्