सगरमाथा क्षेत्र रहेकाे खुम्बु गाउँपालिकाले पर्यटक आवागमनमा अनिश्चितकालीन राेक लगायाे

कात्तिक ८, २०७७ शनिबार १७:५७:५० | उज्यालो सहकर्मी

सोलुखुम्बु – सगरमाथा क्षेत्र रहेको खुम्बु पासाङ ल्हामु गाउँपालिकाले पर्यटक आउन अनिश्चितकालीन रोक लगाएको छ । कोरोना सङ्क्रमणको जोखिमका कारण व्यवसायीले सेवा दिन नसक्ने बताएपछि गाउँपालिकाले पर्यटक आउन पूर्णरुपमा रोक लगाएको गाउँपालिकाका प्रमुख प्रशासकीय अधिकृत विनोद भट्टराईले जानकारी दिनुभयो ।

आन्तरिक हवाई उडान सुरु भएसँगै खुम्बुमा आन्तरिक पर्यटकको सङ्ख्या बढिरहेको बेला गाउँपालिकामा एक जनालाई कोरोना सङ्क्रमण पुष्टि भएपछि पर्यटकलाई नै रोक लगाएको उहाँले बताउनुभयो ।

यसअघि पनि गाउँपालिकाले लुक्ला विमानस्थलमा ओर्लने सबैलाई ७२ घण्टाभित्रको पीसीआर नेगेटिभ भएको रिपोर्ट अनिवार्य गरेको थियो । तर एक जनामा सङ्क्रमण देखिएपछि आवागमन नै बन्द गरेको भट्टराईले बताउनुभयो ।

गाउँपालिकाले खुम्बुमा हेलिकप्टर तथा जहाजको सेवा दिने सबै एअरलाइन्सलाई पत्र पठाएर यात्रु नल्याउन भनेको छ । विभिन्न एअरलाइन्सले ल्याएका आकर्षक प्याकेजका कारण खुम्बु घुम्न जाने नेपालीको सङ्ख्या बढिरहेको थियो ।

अन्तिम अपडेट: फागुन २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्