नेकपा विवाद : धुम्बाराही बैठकमा ओलीसहित चार सचिवालय सदस्य अनुपस्थित

कात्तिक २१, २०७७ शुक्रबार १७:२०:० | उज्यालो सहकर्मी

काठमाण्डौ – सत्तारुढ नेपाल कम्युनिस्ट पार्टी नेकपाका अध्यक्ष पुष्पकमल दाहाल प्रचण्डले बोलाउनुभएको अनौपचारिक सचिवालय सदस्यहरुको बैठकमा चार जना सदस्य अनुपस्थित भएका छन् ।

केन्द्रीय कार्यालय धुम्बाराहीमा बसेको बैठकमा नाै सचिवालय सदस्यमध्ये केपी ओली पक्षधर मानिने चार जना सदस्यहरु अनुपस्थित भएका हुन् । छलफलमा अध्यक्ष प्रचण्डसहित उपाध्यक्ष वामदेव गौतम, वरिष्ठ नेता माधवकुमार नेपाल, झलनाथ खनाल र प्रवक्ता नारायणकाजी श्रेष्ठ मात्रै सहभागी हुनुभएको हो ।

सचिवालयका नाै जना सदस्यलाई नै कार्यकारी अध्यक्ष प्रचण्डले छलफलका लागि धुम्बाराहीमा बोलाउनुभएको तर प्रधानमन्त्री एवं पार्टी अध्यक्ष केपी शर्मा ओली, महासचिव विष्णु पौडेल, गृहमन्त्री रामबहादुर थापा र रक्षामन्त्री ईश्वर पोखरेल सहभागी नहुनुभएको स्रोतले जनाएको छ ।

बिहीबार प्रधानमन्त्री एवं पार्टी अध्यक्ष प्रचण्डसँग भएको भेटमा अध्यक्ष प्रचण्डले सचिवालय बैठक बोलाउनुपर्ने बताउनुभएको थियो । प्रचण्डको प्रस्तावमा प्रधानमन्त्री ओलीले अहिले नै बैठक बोलाउन जरुरी नरहेको प्रतिक्रिया दिनुभएको थियो ।

कर्णाली प्रदेशका मुख्यमन्त्री महेन्द्रबहादुर शाहीविरुद्ध अविश्वासकाे प्रस्ताव दर्ता, भारतीय गुप्तचर संस्था ‘रअ’ का प्रमुखसँग प्रधानमन्त्री ओलीको भेट, राजदूत नियुक्तिलगायत विषयमा विवाद हुँदा नेकपाका दुई अध्यक्ष ओली र प्रचण्डबीचको तिक्तता बढेको छ ।

अन्तिम अपडेट: पुस २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्