माधव नेपालसँग ओलीको गुनासो - पार्टीभित्रैबाट सरकारलाई असहयोग भयो

कात्तिक २४, २०७७ सोमबार ७:१०:४१ | उज्यालो सहकर्मी

काठमाण्डौ - पार्टीभित्र विवाद बढिरहेको बेला सत्तारुढ नेकपाका अध्यक्ष एवं प्रधानमन्त्री केपी शर्मा ओलीले वरिष्ठ नेता माधव नेपालसँग छलफल गर्नुभएको छ ।

आइतबार बालुवाटारमा नेपालसहित अरु नेताहरुसँगको छलफलमा ओलीले पार्टी भित्रैबाट सरकारलाई असहयोग भइरहेको गुनासो गर्नुभयो । उहाँले पार्टीलाई फुटबाट जोगाउन मिलेर अघि बढ्न पनि नेता नेपालसँग आग्रह गर्नुभएको छ ।

बालुवाटारको छलफलमा सचिवालय सदस्य नेपालसहित स्थायी कमिटी सदस्य सुरेन्द्र पाण्डे, भीम रावल र रघुजी पन्तको सहभागिता थियो । सरकारलाई असहयोग गर्ने शैली सच्याउनुपर्नेमा प्रधानमन्त्री ओलीले जोड दिनुभएको नेता पाण्डेले जानकारी दिनुभयो ।

जवाफमा नेता नेपालले फराकिलो सोच बनाएर नेतृत्व गर्न प्रधानमन्त्री ओलीलाई सुझाव दिनुभयो । पार्टी र सरकार सञ्चालन विधि, प्रक्रिया, पद्धति एवं विधानअनुसार हुनुपर्नेमा जोड दिँदै नेपालले सबैलाई मिलाएर अगाडि बढ्नुपर्ने सुझाव दिनुभएको छ ।

पार्टी कमिटी बैठक बोलाएर ठोसरुपमा समाधानको प्रस्ताव ल्याएर विवाद समाधान गरी अगाडि बढ्न पनि नेता नेपालले सुझाव दिनुभयो । जवाफमा प्रधानमन्त्री ओलीले आवश्यक छलफल गरेर बैठक बोलाउने प्रतिबद्धता व्यक्त गर्नुभएको छ ।

पार्टीका अर्का अध्यक्ष पुष्पकमल दाहाल प्रचण्ड, वरिष्ठ नेताद्वय झलनाथ खनाल र नेपाल, उपाध्यक्ष वामदेव गौतम, सचिवालय सदस्य एवं प्रवक्ता नारायणकाजी श्रेष्ठले सामूहिक रूपमा अध्यक्ष ओलीसँग भेटेर शनिबार लिखित रूपमै सचिवालय बैठक बस्नुपर्ने आग्रह गरेको भोलिपल्ट ओली र नेपालबीच छलफल भएको हो ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्