फेरि एकपटक बिहारकाे मुख्यमन्त्रीकाे रूपमा शपथ लिँदै नीतीश कुमार

कात्तिक ३०, २०७७ आइतबार १७:१६:४६ | एजेन्सी

काठमाण्डाै – भारतको जनता दल (युनाइटेड) का प्रमुख नीतिश कुमारले सोमबार अपराह्न साढे चार बजे मुख्यमन्त्रीको शपथ लिने भएका छन् ।

आइतबार राष्ट्रिय जनतान्त्रिक गठबन्धन (एनडीए) को बैठकमा सर्वसम्मतिले नीतीश कुमारलाई विधायक दलका नेताका रुपमा चयन गरेको हो । विधायक दलका नेताका रुपमा चयन भएपछि उनले बिहारका राज्यपालसँग भेटवार्ता गरेका छन् । भेटमा नीतीश कुमारलाई सरकार बनाउन राज्यपालले निमन्त्रणा दिएकाे बताइएकाे छ ।

नीतीश कुमारले भनेका छन्, ‘एनडीए बैठकमा मलाई फेरि एक पटक आफ्नो नेताका रुपमा चयन गरेको छ । राज्यपाललाई हामीले पत्र दिएका छौँ, उनले पत्र स्वीकार गर्दै मलाई मुख्यमन्त्रीको रुपमा मनोनित गरेका छन् । भोलि क–कसले शपथ लिन्छ भन्ने अहिले थाहा हुनेछ ।’

विधायक दलका नेता चयन भइसकेपछि नीतिश कुमारले आफू मुख्यमन्त्री बन्न नचाहेको तर बीजेपीको आग्रहमा फेरि एक पटक मुख्यमन्त्री पदको शपथ लिने बताए ।

राज्यपालसँग भएको बैठकपछि उनले सञ्चारमाध्यमसँग कुरा गर्दै सोमबार अपराह्न चार बजे शपथ ग्रहण समारोहको आयोजना गरिने बताए ।

नीतीश कुमार सोमबार सातौँ पटक बिहारका मुख्यमन्त्री पदको शपथ लिने छन् । तर बिहारका उप–मुख्यमन्त्री को बन्छ भन्ने यकिन भइसकेको छैन ।

राजभवन बाहिर रक्षामन्त्री तथा भारतीय जनता पार्टी (भाजपा) का वरिष्ठ नेता राजनाथ सिंहलाई 'के सुशील मोदी नै बिहारका उपमुख्यमन्त्री हुन्छन् ?' भनेर सोधिएको थियो । त्यसको उत्तर दिँदै उनले भने, ‘उचित समय आएपछि यसको जवाफ दिइनेछ, केही समय पर्खनुहोस् ।’

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्