बाइडेनलाई औपचारिक बधाई दिन ढिला हुँदा रुस–अमेरिकाको सम्बन्धमा कुनै असर पर्दैन : पुटिन

मंसिर ८, २०७७ सोमबार १३:२०:३४ | एजेन्सी

काठमाण्डाै – रुसी राष्ट्रपति भ्लादिमिर पुटिनले अमेरिकाका नवनिर्वाचित राष्ट्रपति जो बाइडेनको जितलाई लिएर किन बधाई नदिएको बारेमा बताएका छन् ।

पुटिनले कानुनी लडाइँको फैसला आउञ्जेलसम्म पर्खिने र त्यसपछि बाइडेनलाई बधाई दिने बताएका हुन् ।

रुसी टीभी च्यानललाई दिएको अन्तर्वार्तामा पुटिनले औपचारिक बधाई दिन ढिला हुँदा रुस र अमेरिकाको सम्बन्धमा कुनै कसर नपर्ने दाबी गरेका हुन् ।

यद्यपि यी दुई देशबीचको सम्बन्ध पहिलेदेखि नै तनावपूर्ण छ ।

तर अमेरिकी राष्ट्रपति डोनाल्ड ट्रम्प सधैँ नै भ्लादिमिर पुटिनको प्रशंसा गर्दै आइरहेका छन् र ट्रम्पमाथि राष्ट्रपति बन्नका लागि रुसको मदत लिएको आरोप पनि छ ।

पुटिनलाई सोधिएको थियो– ‘बधाई नदिएर के पुटिन दुई देशको सम्बन्ध खराब त बनाइरहेका छैनन ?’

यस प्रश्नको जवाफमा उनले भने, ‘जुन सम्बन्ध पहिलेदेखि नै खराब छ, त्यो अझै कसरी खराब हुन्छ ।’

‘हामी दुईबीच एकआपसमा सम्मानजनक सम्बन्ध छ । निवर्तमान राष्ट्रपति ट्रम्प र नवनिर्वाचित राष्ट्रपति जो बाइडेन दुवैसँग सम्मानजनक सम्बन्ध छ । हामीलाई कसैसँग कुनै समस्या छैन । यो एक औपचारिक विषय हो । हाम्रो कुनै लुकाइएको एजेण्डा छैन । औपचारिक सम्बन्ध निभाउन हतार गर्दा खराब सम्बन्ध राम्रो हुन्छ भन्ने मलाई लाग्दैन’, उनले भने ।

पुटिनले पछिल्लो पटक पनि सबैले हिराली क्लिन्टनलाई बधाई दिएको तर जित भने ट्रम्पको भएको बताए ।

उनले अमेरिकी नागरिकले चुनेको जोसुकै राष्ट्रपतिसँग काम गर्न तयार रहेको तर मत गन्ने प्रक्रिया र घरेलु राजनीतिक सङ्घर्ष नथामिञ्जेल पर्खनु महत्त्वपूर्ण भएको बताए ।

अमेरिकामा गएको ३ नोभेम्बरमा चुनाव भएको थियो । चुनावी नतिजामा ट्रम्पका प्रतिद्वन्द्वी डेमोक्रेटिक पार्टीका जो बाइडेनलाई विजेता घोषित गरिएको छ ।

चर ट्म्प यो मान्न तयार छैनन् । ट्म्प मत गन्दा धाँधली भएको दाबी गर्दै आइरहेका छन् । केही राज्यमा अझै पनि मत गन्ने काम भइरहेको छ ।

बाइडेनलाई ट्म्पभन्दा ६० लाख धेरै मत प्राप्त भएको छ । अमेरिकामा जितको लागि दुई सय ७० इलेक्टोरल कलेज मत चाहिन्छ र बाइडेनले तीन सय ६ मत प्राप्त गरेका छन् ।
यसको बाबजुद पनि ट्म्प आफ्नो हार स्वीकार गरिरहेका छैनन् ।

जो बाइडेनलाई बधाई दिने विषयलाई लिएर रुसको छिमेकी चीनले पनि लामो समयसम्म पर्खिएको थियो तर चीनले अन्ततः १३ नोभेम्बरमा बाइडेनलाई बधाई दिएको थियो ।
पछिल्ला दिनमा अमेरिका र चीनबीचको सम्बन्ध पनि त्यति राम्रो छैन ।

बाइजेनलाई अझै पनि ब्राजिल, मेक्सिको र उत्तर कोरियाले बधाई दिइसकेको छैन ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्