असई विक हत्या प्रकरण : मेयर मिश्र र राजपा महासचिव पाण्डेय पनि साधारण तारेखमा छुटे

साउन २९, २०७५ मंगलबार १९:५५:५४ | धनवीर महतो

महोत्तरी – महोत्तरी जलेश्वर नगरपालिकाका मेयर रामशंकर मिश्र र राजपाका केन्द्रीय महासचिव सुरेश पाण्डेयलाई जिल्ला अदालत महोत्तरीले सधारण तारेखमा रिहा गरिएको छ ।

सशस्त्र प्रहरी असई थमन विक हत्याका अभियोग लागेका मेयर मिश्र र महासचिव पाण्डेलाई अदालतले ४ घण्टा लामो बहसपछि सधारण तारेखमा रिहा गरेको हो ।

जिल्ला अदालत महोत्तरीका न्यायाधीश ब्रजेश प्याकुरेलको इजलासले थुनछेक सुनवाई गर्दै असई विक हत्या घटनामा इजलास समक्ष पेश गरिएका प्रमाणले प्रत्यक्ष संग्लता नरेहको पुष्टि हुन आएकोले तत्कालको लागि साधारण तारेखमा रिहा गरिएको अदालतले जनाएको छ ।

मेयर मिश्र र महासचिव पाण्डेलाई आउँदो भदौं ४ गते अदालतमा उपस्थित हुन आदेश दिइएको अदालतका रामानन्दप्रसाद अधिकारीले जानकारी दिनुभयो ।

२०७२ भदौ २५ गते मधेश आन्दोलनको क्रममा घाइ्ते अवस्थामा रहेका सशस्त्र प्रहरीका असई थमन विकलाई उपचारको लागि जनकपुरतर्फ लैजाँदै गर्दा आन्दोलनकारीले एम्बुलेन्सबाट थुतेर उनको हत्या गरेका थिए । उनको हत्यामा २८ जनाको नाम किटान गरी मृतक विकका दाजु प्रेमबहादुर विकले २०७२ साल असोज १ गते जिल्ला प्रहरी कार्यालय महोत्तरीमा उजुरी दिनुभएको थियो ।

सामेबार मात्रै प्रदेश २ का सामाजिक विकास राज्यमन्त्री अभिराम शर्मा अदालतमा हाजिर भइ सोमबार सामान्य तारेखमा छुटेका थिए ।

अन्तिम अपडेट: पुस २३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

धनवीर महतो

धनवीर महतो महोत्तरीकाे उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्