कोरोना अन्टार्कटिकामा पनि पुग्यो

पुष ८, २०७७ बुधबार १५:९:५४ | एजेन्सी

काठमाण्डाै – अहिलेसम्म कोभिड–१९ बाट मुक्त रहँदै आएको अन्टार्कटिका महादेशमा पनि कोरोना भाइरसको सङ्क्रमण पुगेको छ ।

अन्टार्कटिका महाद्वीपमा रहेका चिलीका सेनाहरुले त्यहाँ रहेको आफ्नो बर्नार्डाे ओहिगिन्स अनुसन्धान केन्द्रमा रहेका ३६ जनामा सङ्क्रमण देखिएको बताएको छ ।

सङ्क्रमण देखिएका ३६ मध्ये २६ जना सैनिक र १० जना मर्मत सम्भार गर्ने कर्मचारी हुन् । उनीहरु सबैलाई चिली बोलाइएको छ ।

केही दिन अघिमात्र चिलीका जलसेनाले त्यस अनुसन्धान केन्द्रमा सामग्री आपूर्ति गर्ने र मानिस पुर्याउने एक पानी जहाजमा तीन जनालाई कोरोना सङ्क्रमण पुष्टि भएको बताएको थियो ।

यो समाचारसँगै अब विश्वकै सातै महादेशमा कोरोना भाइरस पुगेको छ ।

सार्गेन्टो एल्डीआ नाम गरेको जहाज २७ नोभेम्बरमा अनुसन्धान केन्द्र पुगेको थियो र १० डिसेम्बरमा चिली फर्किएको थियो ।

चिलीको टेलकुआनो शहरमा जलसेना बेसमा पुगेपछि जहाजका तीन जना क्रु मेम्बरमा सङ्क्रमण देखिएको थियो ।

चिलीसका जलसेनाले अन्टार्कटिकाको यात्रामा गएका सबै जनाको पीसीआर परीक्षण गरेको र सबैको रिपोर्ट नेगेटिभ आएको दाबी गरेको छ ।

बर्नार्डाे ओहिगिन्स अनुसन्धान केन्द्र चिलीको अन्टार्कटिकामा रहेका चार स्थायी बेसमध्ये एक हो, जसलाई उसका सेनाले सञ्चालन गर्छन् ।

कोरोना भाइरसबाट प्रभावित ल्याटिन देशमध्ये चिली छैटौँ स्थानमा रहेको देश हो । त्यहाँ अहिलेसम्म पाँच लाख ८५ हजारभन्दा धेरैमा सङ्क्रमण पुष्टि भएको छ ।

गएको अगस्टमा अन्टार्कटिका क्षेत्रमा अनुसन्धान गर्ने संस्था ब्रिटिश अन्टार्कटिक सर्भेले कोरोना भाइरसका कारण त्यस क्षेत्रमा काम गर्न रोक लगाएको जनाएको थियो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्