प्रतिनिधि सभा विघटनविरुद्धका रिटमाथि आज पनि बहस चल्दै, अधिवक्ताका लागि १५ मिनेट समय निर्धारण

माघ १५, २०७७ बिहीबार १४:११:१३ | उज्यालो सहकर्मी

काठमाण्डौ – प्रतिनिधि सभा विघटनविरुद्ध सर्वोच्च अदालतमा परेका रिट निवेदनमाथि बिहीवार (आज) पनि बहस भइरहेको छ । संविधानमा नभएको अधिकार प्रयोग गरेर प्रधानमन्त्री ओलीले प्रतिनिधि सभा विघटन गरेको दाबीसहित परेका १३ वटा रिटमाथि माघको ४ गतेदेखि सर्वोच्च अदालतको संवैधानिक इजलासमा निरन्तर बहस भइरहेको छ ।

बिहीवारको बहसको सुरुमा अधिवक्ता गोपालकृष्ण घिमिरेले प्रधानमन्त्री ओलीको कदम असंवैधानिक भएकाले खारेजीको माग गर्नुभएको छ । उहाँले अञ्जु पन्तको न बिर्से तिमिलाई, न पाएँ तिमिलाई गीत स्मरण गर्दै नेपालको संविधान न बिर्सन सकिने न संविधान पाए जस्तो महसुस गर्न सकिने पनि बताउनुभएको छ ।

यसैबीच प्रतिनिधि सभा विघटनविरुद्ध परेका रिटमाथि बहस गर्ने अधिवक्ताले अब जम्मा १५ मिनेटको समय पाउने भएका छन् । प्रधानन्यायाधीश चोलेन्द्रशमसेर जबराले एउटै अधिवक्ताले लामो समय लिएर बहस गर्दा सुनुवाइ निकै लामो समयसम्म जाने भएको भन्दै जम्मा १५ मिनेटको समय निर्धारण गर्नुभएको हो ।

गएकाे माघ ४ गतेदेखि बहस सुरु हुँदा समय निर्धारण गरिएको थिएन, केही दिनअघि आधा घण्टा समय तोकिएकोमा बिहीवार (आज) देखि भने १५ मिनेट समय तोकिएको हो ।

अन्तिम अपडेट: माघ १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्