नेकपाको ओली समूहले आज काठमाण्डौमा जनसभा गर्दै

माघ २३, २०७७ शुक्रबार ८:४८:५८ | उज्यालो सहकर्मी

काठमाण्डाै - नेपाल कम्युनिष्ट पार्टी नेकपाको ओली समूहले आज काठमाण्डाैमा जनसभा गर्दैछ ।

नेकपा ओली समूहको वाग्मती प्रदेशले गर्ने जनसभामा प्रधानमन्त्री केपी शर्मा ओलीलगायत नेताहरुले सम्बोधन गर्ने कार्यक्रम रहेको छ ।

नारायणहिटी गेट अघिल्तिर दरबारमार्गमा दिउँसो १२ बजे जनसभा सुरु हुने नेकपाको ओली समूहका नेताहरुले बताएका छन् । त्यसअघि काठमाण्डाैका विभिन्न ठाउँबाट प्रदर्शनसहित कार्यकर्ताहरुले र्‍याली निकाल्ने तयारी भइरहेको छ । जनसभाको प्रचारका लागि भन्दै युवा संगठनले हिजो बेलुकी मार्चपास गरेको थियो ।

प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले गएको पुस ५ गते प्रतिनिधिसभा विघटनको घोषणा गर्नुभएलगत्तै सत्तारुढ नेकपा औपचारिक रुपमा दुई समूहमा विभाजित भएका छन् ।

प्रचण्ड–नेपाल समूहले प्रधानमन्त्री ओलीको कदम असंवैधानिक रहेको भन्दै विरोधका कार्यक्रम गरिरहेको छ भने ओली समूहले प्रधानमन्त्री ओलीको कदमको बचाउ गर्दै विभिन्न कार्यक्रमहरु गरिरहेको छ । विरोधस्वरुप हिजो प्रचण्ड-नेपाल समूहले आमहड्ताल गरेको थियो ।

नेकपा विभाजित भए पनि निर्वाचन आयोगले भने दुवै समूहको निर्णयलाई वैधानिकता दिएको छैन । दुवै समूहका निर्णयलाई खारेज गर्ने आयोगको निर्णय लगत्तै प्रचण्ड-नेपाल समूहले आधिकारिकता दाबी पेस गरेको छ । यस्तै संसदीय सुनुवाइबिनै संवैधानिक आयोगका पदाधिकारी नियुक्त भएपछि प्रचण्ड-नेपाल समूह थप रुष्ट बनेको छ ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्