नेप्सेले २५ सय विन्दु नाघ्याे, कारोबार रकममा ‘नयाँ रेकर्ड’

२८ कम्पनीका लगानीकर्ताले ९ प्रतिशतभन्दा धेरै कमाए

माघ २५, २०७७ आइतबार १५:२९:२३ | उज्यालो सहकर्मी

काठमाण्डौ – शेयर बजार परिसूचक नेप्से आइतबार झण्डै ४९ अङ्कले बढेको छ ।

बैंक र म्युचल फण्डबाहेक अरू सबैजसो समूहको शेयर बढेपछि नेप्से ४८ दशमलव ७४ अङ्कले बढेर २५ सय २४ विन्दुमा पुगेको छ । आइतबार व्यापार समूहको शेयर ८२ अङ्कले, होटल समूहको २७, जलविद्युतको ५९, फाइनान्सको १६, निर्जीवन बीमाको चार सय ९०,उत्पादन समूहको ४१, अन्यको ५३, माइक्रो फाइनान्सको तीन सय ४४ र जीवन बीमा समूहको शेयर पाँच सय ७२ अङ्कले बढेको छ ।

आइतबार कारोबार रकमले पनि नयाँ रेकर्ड बनाएको छ । दुई सय दुई कम्पनीका एक करोड ७७ लाख ३६ हजार कित्ता शेयर १० अर्ब ४४ करोड १९ लाख रुपैयाँमा कारोबार भएका छन् । यसअघि माघ १५ गते नौ अर्ब ९० करोड रुपैयाँको शेयर कारोबार भएको थियो । सबैभन्दा धेरै नेपाल डिस्टिलरीको ५३ करोड रुपैयाँभन्दा धेरैको शेयर कारोबार भएको छ ।

आइतबार आठ वटा कम्पनीका लगानीकर्ताले १० प्रतिशत र २८ वटा कम्पनीका शेयरधनीले नौ प्रतिशतभन्दा धेरै कमाएका छन् । समग्र बजार बढे पनि नेपाल फाइनान्सका शेयरधनीले ६ प्रतिशतभन्दा धेरै गुमाएका छन् ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्