‘महिलालाई भिजिट भिसामा विदेश जाँदा सिफारिस आवश्यक पर्नेबारे निर्णय भइसकेको छैन’

माघ २९, २०७७ बिहीबार ११:४८:४४ | उज्यालो सहकर्मी

काठमाण्डाै - अध्यागमन विभागले जोखिमयुक्त देशमा भिजिट भिसामा जाँदा महिलालाई परिवार र पालिकाको सिफारिस आवश्यक पर्ने विषयमा कुनै निर्णय भइनसकेको जनाएको छ ।

विभागले आज विज्ञप्ति निकालेर महिलाहरु भिजिट भिसामा जाँदा परिवार र सम्बन्धित वडाको सिफारिस चाहिने विषय सञ्चारमाध्यममा आए जस्तो नभएको दाबी गरेको हो ।

विभागले खाडी र अफ्रिकी देशजस्तो जोखिमयुक्त देशहरुमा पहिलो पटक एक्लै यात्रा गर्ने र आफ्नो यात्राबारे सामान्य जानकारी समेत नभएका महिलाको सुरक्षाका विषयमा आन्तरिक छलफल भएको तर निर्णय नभइसकेको स्पष्ट पारेको छ ।

विभागले पहिलो यात्राको सामान्य जानकारी समेत नभएका महिलाको सुरक्षाको लागि अनौपचारिक रुपमा भइरहेको छलफललाई भ्रम फैलाउने गरी फिँजाएको भन्दै आपत्ति पनि जनाएको छ ।

आन्तरिक छानबिन कार्यदलका सुझावहरुका रुपमा आएको विषयलाई नबुझिकनै समाचार बनाइँदा अनावश्यक भ्रम फैलिएको विभागको भनाइ छ । विभागले यो विषयमा अधिकार र मौलिक हक कुण्ठित नहुने गरी निर्णय गरिने पनि स्पष्ट पारेको छ ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्