गाउँपालिका हाँक्दै नमुना किसान हर्कबहादुर

भदौ २, २०७५ शनिबार २०:१६:१८ | चन्द्र थापा

अछाम – अछामको चौरपाटी गाउँपालिका अध्यक्ष हर्कबहादुर साउद पाँच वर्षदेखि फलफुल र तरकारी खेती तथा पशुपालन गरिरहनुभएको छ ।

उहाँ जिल्लामै नमुना किसानका रुपमा चिनिनुहुन्छ । तर, २०७४ असार १४ गते भएको चुनावमा उहाँ गाउँपालिका अध्यक्ष निर्वाचित भएपछि उहाँको परिचय किसानँंगै गाउँपालिकाको अध्यक्षका रुपमा फेरिएको छ ।

कृषिबाट नाम र दाम दुवै कमाएका हर्कबहादुर खुशी र सन्तुष्टिको पेशा कृषि नै भएको बताउनुहुन्छ ।

छिमेकी गाउँका ५ जनाको २२ रोपनी पाखो जमिन १५ वर्षका लागि भाडामा लिएर स्थानीय जातको केरा खेती थालेका हर्कबहादुरले त्यो जमिनमा १५ सय फलफुलका बिरुवा समेत रोप्नुभएको छ ।

बगंैचामा ओखर, सुन्तला, अनार, मौसम, अमिलो, कागती लगायतका विरुवाले फल दिन थालिसकेका छन् । फलफुलसँगै बाख्रापालन र तरकारी खेती पनि गरिरहेको उहाँले बताउनुभयो ।

गाउँपालिका कार्यालय चौरपाटीबाट एक घण्टाको दुरीमा रहेको केराबारीमा संधै पुग्न समस्या भएको उहाँले बताउनुभयो । अध्यक्ष भएपछि जनताका काम गर्नुपर्ने भएकाले नीजि काममा धेरै समय दिन नसकिएको उहाँको भनाई छ ।

नमूना किसानका रुपमा आफुलाई स्थापित गराइसकेका अध्यक्ष हर्कबहादुर चौरपाटी गाउँपालिकालाई नै कृषिको नमुना गाउँपालिका बनाउने अभियानमा लागेको बताउनुहुन्छ ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

चन्द्र थापा

अछामका उज्यालो सहकर्मी चन्द्र थापा रेडियो रामारोशनमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्