मलेसियामा काम गर्दा गर्दै सम्पर्क विहीन भए मनोजकुमार, खोजीमा भौतारिँदै परिवार

वैशाख ३०, २०७८ बिहीबार ११:३८:१ | उज्यालो सहकर्मी

काठमाण्डौ – रोजगारीका लागि मलेसिया गएका महोत्तरीका मनोजकुमार ठाकुर सम्पर्क विहीन हुनुभएको छ ।

मलेसियामा काम गरिरहनुभएका मनोजकुमार ६ महिनाअघिदेखि परिवार र साथीभाइसँग सम्पर्कमा नभएको भन्दै बुवा रामनारायण ठाकुरले खोजिदिन आग्रह गर्नुभएको छ ।

‘काम गरिरहेको छोरो सम्पर्कमा आएन, दुई चार दिन त फोन गर्छ होला भन्ने भयो, अहिले यत्तिको समय भइसक्यो कहीँ कतै कसैसँग सम्पर्कमा छैन,’ रामनारायणले भन्नुभयो ।

आफ्नो छोरालाई कतै देख्ने कोही छन् कि भन्दै रामनारायणले गाउँबाट मलेसिया गएका जति सबैलाई आग्रह गरिसक्नुभयो तर कतैबाट पनि शुभ खबर आएको छैन ।

अहिले मलेसियामै रहनुभएका हरिकुमार मण्डलले दूतावासको समन्वयमा त्यहाँका विभिन्न जेलहरूमा खोजी गरेको बताउनुभयो ।

‘दूतावासको सहयोगमा जेलहरूमा खोजी गरेको हो तर कुनै पनि जेलमा भेटिएन, काम गर्दा गर्दैको मानिस कहाँ गयो, के भयो कसैलाई थाहा भएन,’ हरिकुमारले भन्नुभयो,‘मनोजलाई खोजिदिन गाउँबाट उसको बुवाले रातदिन हात जोर्नुहुन्छ, खोज्नका लागि हर प्रयास गरिसक्यौँ तर अहिलेसम्म कुनै पत्तो छैन ।’ एक्कासि सम्पर्क विहीन हुँदा जेलमा परेको हुनसक्ने परिवारको अनुमान थियो । तर जेलहरूमा पनि नभेटिएपछि परिवार झन् चिन्तामा परेको छ ।

सन् २०१८ मा श्रम मनोजकुमारले मलेसियाको सिमे डरबे प्लान्टेसन कम्पनीका लागि श्रम स्वीकृति लिएर जानुभएको छ । प्लान्टेसन वर्करका रूपमा जानुभएका उहाँको करार अवधि तीन वर्षको छ ।

मलेसियामा यदि मनोजकुमारलाई देख्नु या भेट्नुभएमा ६८११४००३१४५१, ६०११२६६६९०९७ अथवा ००६०१०२१८५३२२ नम्बरमा सम्पर्क गरिदिन परिवारले आग्रह गरेको छ ।

अन्तिम अपडेट: पुस ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Mandal Hari Kumar
May 14, 2021, 3 p.m.
धेरै धेरै धन्यवाद उज्यालो अनलाइन टीम , मनोजकुमार ठाकुरको खबर पोष्ट गर्नुभएकोमा /
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

मलेसियामा काम गर्दा गर्दै सम्पर्क विहीन भए मनोजकुमार, खोजीमा भौतारिँदै परिवार

1 Comments

Mandal Hari Kumar

तपाईको प्रतिक्रिया

तपाईको प्रतिक्रिया