थप ४ हजारभन्दा धेरै काेराेनामुक्त, २ हजार ७ सय ४५ जनामा सङ्क्रमण पुष्टि

असार १, २०७८ मंगलबार १७:४४:५४ | उज्यालो सहकर्मी

काठमाण्डाै – गएको २४ घण्टामा देशभर चार हजारभन्दा धेरै काेराेना भाइरसकाे सङ्क्रमणबाट मुक्त भएका छन् । स्वास्थ्य तथा जनसङ्ख्या मन्त्रालयका अनुसार गएको २४ घण्टामा चार हजार एक सय ८७ जनाले कोरोनालाई जितेका छन् ।

आज सङ्क्रमणमुक्त भएकासँगै अहिलेसम्म नेपालमा पाँच लाख ४० हजार चार सय ३९ जना कोरोनामुक्त भएका छन् । नेपालमा अहिले सङ्क्रमण निको हुने दर ८८ दशमलव ३ प्रतिशत रहेको छ ।

यस्तै गएको २४ घण्टामा दुई हजार सात सय ४५ जनामा काेराेना सङ्क्रमण पुष्टि भएकाे छ । सात हजार चार सय ४९ जनाको पीसीआर परीक्षण गर्दा एक हजार ६ सय ८१ जनामा र पाँच हजार आठ सय ४१ जनाको एन्टिजेन विधिमार्फत परीक्षण गर्दा एक हजार ६४ जना गरी दुई हजार सात सय ४५ जनामा सङ्क्रमण पुष्टि भएकाे मन्त्रालयले जनाएकाे छ ।

यस्तै गएको २४ घण्टामा थप ४१ जनाको काेराेना भाइरसकाे सङ्क्रमणबाट ज्यान गएको छ । याेसँगै काेराेनाबाट ज्यान गुमाउनेकाे सङ्ख्या आठ हजार पाँच सय ६ पुगेकाे छ ।

अन्तिम अपडेट: फागुन १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्