अमेरिकालाई खनिज दिन युक्रेन सहमत

फागुन १४, २०८१ बुधबार १८:१२:५८ | एजेन्सी

अमेरिका र युक्रेनबीचको खनिज तथा पुनर्निर्माण सम्झौतामा सहमति भएको छ । दुई देशबीच सहमति भएसँगै युक्रेनी राष्ट्रपति भ्लोदिमिर जेलेन्स्कीले अमेरिकाको भ्रमण गर्ने बीबीसीले जनाएको छ ।

अमेरिकी राष्ट्रपति डोनाल्ड ट्रम्पले सहमतिमा हस्ताक्षर गर्न यसै हप्ता युक्रेनी राष्ट्रपति जेलेन्स्की ह्वाइट हाउस आइपुग्ने बताउनुभएको छ । अमेरिकासँगको प्रमुख खनिज सम्झौताका शर्तहरू स्वीकार गरेको युक्रेनका एक वरिष्ठ अधिकारीले पनि बताएका बीबीसीले जनाएको छ । केही राम्रा परिमार्जनसहित खनिज सम्झौताका शर्तहरूमा सहमति जनाएको र यसलाई सकारात्मक परिणामका रूपमा लिएको ती अधिकारीले बताएका छन् ।

अन्तर्राष्ट्रिय सञ्चारमाध्यमहरूमा आएका विवरणका अनुसार अमेरिकाले ५ खर्ब अमेरिकी डलर बराबरको युक्रेनी प्राकृतिक स्रोत साधनमा आफ्नो अधिकार दाबी गरेको छ । त्यसको बदलामा अमेरिकाले युद्धग्रस्त युक्रेनको प्रमुख चासो रहेको सुरक्षा ग्यारेन्टी भने सुनिश्चितता गरेको छैन । अमेरिका केही अप्ठ्यारा मागहरूबाट पछि हटेको र सम्झौताका कतिपय विस्तृत विवरणहरूमा छलफल हुन बाँकी रहेको खबरमा उल्लेख छ ।

युक्रेनसँग खर्बाैं डलर मूल्य बराबरको लिथिअम तथा टाइटानिअमसँगै उल्लेख्य मात्रामा कोइला, ग्यास, तेल तथा युरेनिअम भण्डारण छ । यस्तै विश्वमा पाइने पाँच प्रतिशत महत्त्वपूर्ण कच्चा खनिज आफूसँग भएको युक्रेनको आँकलन छ । युक्रेनका कतिपय खनिज भण्डारहरू रुसको कब्जामा छ ।

अन्तिम अपडेट: फागुन १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अमेरिकालाई खनिज दिन युक्रेन सहमत

तस्वीर : राेयटर्स

तपाईको प्रतिक्रिया