‘बाढी–पहिराेकाे जाेखिमसँगै काेराेना सङ्क्रमण र पानीजन्य राेगबाट बचाैँ’

असार ३, २०७८ बिहीबार २०:३५:४४ | उज्यालो सहकर्मी

काठमाण्डाै – सरकारले बाढी र पहिरोको जोखिमसँगै कोभिड–१९ सङ्क्रमण लगायत पानीजन्य रोगहरू बढ्न सक्ने भन्दै सचेत रहन आग्रह गरेको छ ।

स्वास्थ्य तथा जनसङ्ख्या मन्त्रालयका सह–प्रवक्ता डाक्टर समिरकुमार अधिकारीले आज विज्ञप्ति निकालेर केही दिनदेखि परिरहेको वर्षाका कारण धेरै बाढी र पहिरो जाँदा पानीका मुहान दूषित हुने र सरसफाइसम्बन्धी जनस्वास्थ्यका समस्याहरु बढ्न सक्ने भन्दै सचेत रहन आग्रह गर्नुभएको हो ।

बाढी र पहिरोको जोखिमसँगै कोभिड–१९ सङ्क्रमण, पानीजन्य तथा लामखुट्टेको टोकाइका कारण लाग्ने रोगको जोखिम बढेको उहाँले बताउनुभएको छ । यस्तै उद्धार, राहत आदि कार्यहरूमा जुट्दा कोभिड–१९ काे सङ्क्रमणबाट बच्न जनस्वास्थ्यका मापदण्डकाे ख्याल गर्न र सफा पिउने पानीको प्रबन्ध गर्न, उपयुक्त गाँस र बासको प्रबन्धसँगै, सरसफाइमा ध्यान दिन अनुरोध गरिएको छ ।

यसैबीच स्वास्थ्य मन्त्रालयले बाढी र पहिरोमा परि घाइते भएकाको उपचारका लागि आवश्यक सबै प्रबन्ध मिलाउने काम गरिरहेको पनि जनाएको छ ।

अन्तिम अपडेट: फागुन १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्