विश्व टेस्ट च्याम्पियनशिप फाइनल : भारतले दोस्रो पारीमा १ सय ७० रन बनायो, न्युजिल्यान्डले पायाे १ सय ३९ रनको लक्ष्य

असार ९, २०७८ बुधबार १९:५१:२७ | उज्यालो सहकर्मी

काठमाण्डौ – इङ्ल्यान्डको साउथ्याम्पटनमा भारतको न्युजिल्यान्डबीच भइरहेको विश्व टेस्ट च्याम्पियनशिपको फाइनलमा भारतको दोस्रो पारी एक सय ७० रनमा सकिएको छ ।

भारतले न्युजिल्यान्डलाई जितका लागि एक सय ३९ रनको लक्ष्य दिएको छ । दोस्रो पारीमा भारतका लागि ऋषभ पन्तले ४१ रन बनाए । न्युजिल्यान्डका बलरले छैटौँ दिनको पहिलो सत्रमा तीन विकेट लिएर भारतलाई दबाबमा राखेका थिए ।

भारतले लन्च (खाना समयअघि) कप्तान विराट कोहली, उपकप्तान अजिन्क्या रहाणे र चेतेश्वर पुजाराको विकेट गुमायो । दुई विकेट गुमाएर ६४ रन बनाएको अवस्थामा छैटौँ दिनको खेल सुरु गरेको भारत लन्चसम्म पाँच विकेट गुमाएर एक सय ३० रनको अवस्थामा पुग्यो । लन्चपछि पनि भारतले राम्रो प्रदर्शन गर्न सकेन ।

मङ्गलवार अविजित रहेका कप्तान कोहली र पुजाराले बुधवार चल्न सकेनन् । कोहली १३ रनमा आउट हुँदा पुजारा १५ रनमात्र बनाउन सके ।

त्यसपछि रहाणे पनि १५ रन बनाएर आउट भए । त्यसपछि ऋषभ पन्त र रविन्द्र जडेजाले छैटौँ विकेटका लागि ३३ रन जोडे । जडेजा १६ र पन्त ४१ रनमा आउट भए ।

यसअघि हिजो न्युजिल्यान्डको टिम पहिलो पारीमा दुई सय ४९ रन बनाएर ३२ रनको अग्रता लिँदै अलआउट भएको थियो । च्याम्पियनसिपको उपाधि जित्ने टोलीले १८ करोड रुपैयाँ बराबरको पुरस्कार पाउनेछ ।

खेलको दुई दिन वर्षाले बिथोलिएपछि बुधवार छैटौँ दिन पनि खेल भइरहेको हो । फाइनलमा एक दिन रिभर्ज राखिएको थियो ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्