वैदेशिक रोजगारी : अभिमुखीकरण तालिमलाई थप पारदर्शी बनाउन विभागले जारी गर्‍याे यस्ता निर्देशन

असार १३, २०७८ आइतबार १२:०:२९ | उज्यालो सहकर्मी

काठमाण्डौ – वैदेशिक रोजगारीमा जानुपूर्व दिइने अभिमुखीकरण तालिम सञ्चालन गर्ने विषयमा वैदेशिक रोजगार विभागले थप कडाइ गरेको छ ।

विभागको अनुगमन तथा अभिमुखीकरण शाखाले अभिमुखीकरण तालिम प्रदायक संस्थालाई थप पारदर्शी बनाइ ठगी हुनबाट रोक्न विभिन्न निर्देशन जारी गरेको हो ।

अब तालिम प्रदायक संस्थाले वैदेशिक रोजगार सूचना व्यवस्थापन प्रणाली (एफईआईएमएस)मा सञ्चालकको मोबाइल नम्बर अनिवार्य राख्नुपर्ने हुन्छ । यस्तै तालिम कक्षा सञ्चालन भइरहेको समयमा विभागबाट भिडियो कलमार्फत सम्पर्क हुन सक्ने गरी ईमो भाइबर वा ह्वाट्सअप नम्बर आईडी उपलब्ध गराउन निर्देशन दिएको छ ।

विभागको निर्देशन अनुसार अब विभागमा नाम दर्ता गरेका प्रशिक्षकहरुबाट मात्रै कक्षा सञ्चालन गर्नुपर्नेछ । यस्तै अभिमुखीकरण तालिम सञ्चालन कार्यविधि २०७६ ले तोकेको योग्यता पूरा गरेका प्रशिक्षकहरुको नाम, शैक्षिक योग्यता तथा तालिम सम्बन्धी प्रमाणपत्रको प्रतिलिपि विभागमा पेश गर्न पनि निर्देशन दिएको छ ।

यस्तै प्रशिक्षार्थीहरुको प्रत्येक सत्रको बायोमेट्रिक हाजिरी सत्र समाप्तिपछि त्यही दिन एफईआईएमएसमा प्रविष्ट गरिसक्नुपर्नेछ । कार्यालय रहेको स्थान पहिचान हुनेगरी कार्यालयको स्पष्ट ‘लोकेशन म्याप’ उपलब्ध गराउनुपर्नेछ ।

विभागले तोकेका निर्देशनको पालना नगरेको पाइएमा कारबाही गरिने जनाइएको छ ।

अभिमुखीकरण तालिम पाठ्यक्रम परिमार्जन,अब वैदेशिक रोजगारमा जानुअघि सिकाइन्छ यी कुरा

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्