ईपीएल क्रिकेट : पाेखराले काठमाण्डाैलाई 'डकवर्थ लुइस' नियमका आधारमा हरायाे

असोज १८, २०७८ सोमबार १८:१३:१ | उज्यालो सहकर्मी

काठमाण्डाै – एभरेस्ट प्रिमियर लिग (ईपीएल) टी–२० क्रिकेटमा पोखरा राइनाेजले काठमाण्डौ किङ्ग्स इलाभेनलाई हराएकाे छ ।

पाेखराले काठमाण्डाैलाई 'डकवर्थ लुइस' (डीएल) नियमका आधारमा १४ रनले हराएकाे हाे । काठमाण्डौले दिएको एक सय ८३ रनको लक्ष्य पछ्याएको पोखराले १५ ओभरमा पाँच विकेट गुमाएर एक सय ४२ रन बनाएको अवस्थामा पानी परेर खेल रोकिएपछि डीएल नियमका आधारमा पोखरा विजयी भएको हो ।

पाेखराका लागि सहन अराचिगेले ४३ रन बनाउँदा विवेक यादवले अविजित ४१ रन बनाए । बलिङतर्फ काठमाण्डाैका जितेन्द्र मुखिया र गुलशन झाले समान दुई–दुई विकेट लिए ।

यसअघि त्रिवि क्रिकेट मैदानमा टस हारेर पहिले ब्याटिङ गरेको काठमाण्डौले अमित श्रेष्ठको ५६ र रायन बर्लको ५० रन मद्दतमा आठ विकेट गुमाएर एक सय ८२ रन बनाएको थियो । बलिङतर्फ पाेखराका विवेक यादवले तीन विकेट लिए ।

जितसँगै पोखरा राइनोज पाँच खेलमा सात अङ्कसहित दोस्रो स्थानमा छ । चार खेलमा दुई अङ्क जोडेको काठमाण्डौ भने पाँचाैँ स्थानमा छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्