मुख्यमन्त्री राउतले आज विश्वासको मत लिँदै

असोज २०, २०७८ बुधबार ९:४०:१७ | धनवीर महतो

महाेत्तरी – प्रदेश २ का मुख्यमन्त्री लालबाबु राउतले आज बुधवार विश्वासको मत लिनु हुने भएको छ । आज दिउँसो बस्ने प्रदेश सभा बैठकमा मुख्यमन्त्री राउतले विश्वासको मत लिनु हुने भएको मुख्यमन्त्री कार्यालय स्रोतले जनाएको छ ।

मुख्यमन्त्री राउतले संविधानको धारा १८८ को २ अनुसार विश्वासको मत लिन आज प्रदेश सभा बैठक बोलाइएको छ ।

प्रदेश सभामा एक सय चार सदस्य छन् । प्रदेश २ सरकारको नेतृत्व गर्ने जसपाका ३८, कांग्रेसका १९, माओवादी केन्द्रका आठ र नेकपा (एकीकृत समाजवादी) का १३ गरी ७८ जना सदस्यको सुविधाजनक मत मुख्यमन्त्री राउतको पक्षमा छ ।

प्रदेश २ मा जनता समाजवादी पार्टी नेपालको संसदीय दलका नेतासमेत रहनुभएका मुख्यमन्त्री राउतले सत्ता साझेदार दलहरूका प्रदेश सभा सदस्य सङ्ख्याका आधारमा सहजै विश्वासको मत प्राप्त गर्नु हुनेछ । जनता समाजवादी पार्टी विभाजित भएर लोकतान्त्रिक समाजवादी पार्टी (लाेसपा) नेपाल गठन भएपछि प्रदेश नं. २ का मुख्यमन्त्री राउतलाई विश्वासको मत लिने संवैधानिक सङ्कट आएकाे छ ।

प्रमुख प्रतिपक्षी दल लोसपाका नेता जितेन्द्र सोनलले राउत सरकार अवैधानिक भएको दाबी गर्नुभएकाे छ । प्रदेश सरकारबाट जानकी मन्दिरको गरिमामाथि खेलबाड भएको भन्दै आफूहरूले आजको बैठक अवरोध गर्ने नेकपा एमाले संसदीय दलका नेता सत्यनारायण मण्डलले बताउनुभयाे ।

जसपाबाट छुट्टिएकाे लोसपा नेपालले गएकाे भदौ ९ मा निर्वाचन आयोगबाट राजनीतिक दलको मान्यता पाएकाले ३० दिनभित्र विश्वासको मत लिनुपर्ने संवैधानिक प्रावधान उल्लङ्घन भएको उहाँको दाबी छ ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

धनवीर महतो

धनवीर महतो महोत्तरीकाे उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्