महाकाली नदीमा फसेका पाँच जनाकाे २२ घण्टापछि उद्धार

कात्तिक २, २०७८ मंगलबार १९:४६:२ | रासस

कञ्चनपुर – नेपाली सेनाले कञ्चनपुरको भीमदत्त नगरपालिका–९ मसेट्टीका दुई बालबालिकासहित पाँच जनाको महाकाली नदीबाट २२ घण्टापछि उद्धार गरेको छ ।

लगातारको वर्षापछि महाकाली नदीमा आएको बाढीले मसेट्टीका लक्ष्मण नायक उहाँकी श्रीमती शान्ति, दुई छोरा र स्थानीय दीर्घमती देवी खड्कालाई हेलिक्टरमार्फत उद्धार गरेको हो ।

हिजाे साेमवार बेलुकीदेखि महाकाली बस्तीमा उर्लिएपछि कुखुरा र गाउँ गोठको रेखदेख गर्न गएका उनीहरू बाढी आएपछि त्यहीँ फसेका हुन् । आज मङ्गलवार बिहानैदेखि सेनाको टोली उद्धारका लागि त्यहाँ जान खोजे पनि प्रतिकूल मौसमका कारण उद्धारस्थल पुग्न सकेको थिएन ।

स्थलमार्गबाट जान अन्य खहरे खोला र बाढीले जान सक्ने अवस्था नै थिएन, यहाँ रहेकाे श्रीदल गुल्मका गुल्मपति सेनानी भीष्म केसीले भन्नुभयो, स्थलमार्गबाट गएर त्यहाँ उद्धार सम्भव नभएपछि सुर्खेतबाट हेलिकप्टर बोलाइएको हो ।

आज दिउँसो यहाँ रहेकाे श्री नं २५ बाहिनी अड्डा पुगेको हेलिकप्टरले मसेट्टी पुगेर तीन चरणमा फसेकाको उद्धार गर्दै गाउँको जिम्मा लगाएर फर्किएको छ । ‘फसेका स्थानीयवासीलाई उद्धार गर्न चारैतिर रुख हुँदा केही कठिनाइ भए पनि सकुशल उद्धार गर्न सक्यौँ’, उद्धारको नेतृत्व गरेका पाइलट प्रमुख सेनानी रचन श्रेष्ठले भन्नुभयो, ‘उद्धारमा हाम्रो तालिम प्राप्त टाेली पनि सक्रिय रह्यो ।’

यसैबीच महाकाली नदी तटीय क्षेत्रका धेरैजसाे बस्ती डुबानमा परेको जिल्ला प्रहरी कार्यालय कञ्चनपुरका प्रवक्ता सिद्धराज न्यौपानेले जानकारी दिनुभयाे ।

अन्तिम अपडेट: पुस ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

महाकाली नदीमा फसेका पाँच जनाकाे २२ घण्टापछि उद्धार

फाइल फाेटाे

तपाईको प्रतिक्रिया