उत्तर प्रदेश : प्रहरीले 'चोरहरूलाई लुटे', चार प्रहरी जेल गए

कात्तिक ४, २०७८ बिहीबार १६:३१:२० | एजेन्सी

काठमाण्डाै – उत्तर प्रदेशको फिरोजाबादमा चोरहरूबाट चोरीको पैसा लिएर सुरक्षित जिल्ला पार गराएको आरोपमा चार प्रहरीलाई पक्राउ गरिएको छ ।

फिरोजाबादका एसएसपी अशोक कुमारले बीबीसीसँग भने, ‘यस्तै कठोर कारबाहीबाट नै प्रहरीलाई सुधार्न सकिन्छ ।’

— Firozabad Police (@firozabadpolice) October 19, 2021

गएको अक्टोबर १५ मा रसूलपुर प्रहरी चौकीमा एक डेलिभरी अटोबाट एक लाख १० हजार भारु चोरी भएको थियो । चोरहरूले ड्राइभिङ सिट काटेर पैसा निकालेका थिए ।

पीडित गौरव घर पुगेपछि पैसा नदेखेपछि रसूलपुर प्रहरी चौकीमा जानकारी दिए । चोरीको पूरा घटनाक्रम सीसीटीभीमा कैद भएको थियो ।

एसएसपी अशोक कुमारले भने, ‘घटनाको स्पष्ट फुटेज थियो । चोरले अटोबाट पैसा निकालिरहेको देखिएको थियो । हामीले पूरै जिल्लामा सतर्कता अपनायौँ र नाकाबन्दी गरेर चाँज गर्यौँ ।’

अक्टोबर १८ मा चोरी गर्ने दुई चोर पक्राउ परेका थिए । त्यसपछि चोरहरूलाई चोरी भएको पैसाको बारेमा सोध्दा पैसा प्रहरीले लगेको बताएका थिए ।

जाँचका क्रममा प्रहरी चौकीमा रहेका एसआई सुनील चन्द र उनको टिमले चोरहरूबाट चोरीको पैसा लिएपछि उनीहरूलाई आफ्नो गाडीबाट एस्कर्ट (पहरा दिएर) गरेर फिरोजाबाद जिल्लाको सीमा पार गराएका थिए ।

त्यसपछि प्रहरीले चोरहरूलाई लुट्ने पूरै प्रहरी टिमलाई पक्राउ गरेर जेल पठायो र पैसा पनि बरामद गर्यो । पक्राउ पर्ने प्रहरीमा एक एसआई, दुई सिपाही र एक प्रहरी जीपका चालक रहेका छन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्