टी–२० विश्व कपकाे सेमिफाइनलअघि रिजवानले ‘दुई रात आईसीयू’ मा बिताएका थिए

कात्तिक २६, २०७८ शुक्रबार १७:५८:५० | उज्यालो सहकर्मी

काठमाण्डाै – टी–२० विश्व कपमा पाकिस्तानले अस्ट्रेलियासँग सेमिफाइनल खेल हारे पनि उसले सबैको मन जितेको छ । पाकिस्तानी टोलीले प्रतियोगिताभरि उत्कृष्ट प्रदर्शन गर्‍याे । उसका ओपनर बाबर आजम र मोहम्मद रिजवानले प्रतियोगिताभरि आफ्नो टिमलाई सानदार सुरुवात दिलाए ।

तर तपाईँलाई थाहा छ, सेमिफाइनलको खेलभन्दा दुई दिनअघि रिजवान आईसीयूमा थिए । उनलाई श्वासप्रश्वासमा समस्या भएको थियो तर अस्ट्रेलियासँगको महत्त्वपूर्ण खेलमा उनी टिममा फर्किँदै सानदार पारी खेले ।

रिजवान अस्ट्रेलियासँगको खेलभन्दा अघि दुई रात अर्थात् झन्डै ३६ घण्टासम्म आईसीयूमा थिए । उनलाई दुबईको मेडियोर अस्पतालमा भर्ना गरिएको थियो । रिजवानलाई छातीमा सङ्क्रमणको समस्या देखिँदा सास फेर्न पनि समस्या भइरहेको थियो । यसको जानकारी पाकिस्तान टिमका डाक्टरले खेलपछि दिए ।

यद्यपि रिजवानले खेलमा फर्किएर सानदार ६७ रन बनाए । उनकै ६७ रनको मदतमा पाकिस्तानले एक सय ७६ रन बनाएको थियो ।

अहिले यो खबर सार्वजनिक भएसँगै रिजवानको चौतर्फी प्रशंसा भइरहेको छ ।

अन्तिम अपडेट: पुस २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्