काठमाण्डौको जोरपाटी–गोकर्ण–सुन्दरीजल सडक ६ वर्षदेखि अलपत्र

कात्तिक २७, २०७८ शनिबार ७:४३:२१ | उज्यालो सहकर्मी

काठमाण्डौ - काठमाण्डौको जोरपाटी–गोकर्ण–सुन्दरीजल सडक विस्तार सुरु भएको छ वर्ष बितिसक्दा पनि सम्पन्न हुन सकेको छैन ।

आर्थिक वर्ष २०७५/७६ मै सक्ने गरी २०७२ सालमा ठेक्का भएको सात किलोमिटर सडक छ वर्षदेखि अलपत्र छ । सडक धुलाम्य हुँदा स्थानीय बासिन्दाको स्वास्थ्यमा समस्या देखिन थालेको छ । धुलोले नाक पोल्ने, घाँटी खसखसाउने जस्ता समस्या हुने गरेको गोकर्णेश्वर नगरपालिका–४ चौतारा खरिबोटकी राधा श्रेष्ठको गुनासो छ ।

केन्द्रबिन्दुबाट दायाँबायाँ ११/११ मिटर गरी २२ मिटरको सडक बनाउने ठेक्का काठमाण्डौ उपत्यका सडक विस्तार आयोजनाले गरेको थियो ।

सात किलोमिटर दूरीमा पर्ने झण्डै ९ सय घरका धनीले ठेक्काअनुसार विस्तार गर्ने भए मुआब्जा दिनुपर्ने माग गरेपछि घर भएको ठाउँमा केन्द्रबिन्दुबाट दायाँबायाँ सात/सात मिटर विस्तार गर्ने, सार्वजनिक जग्गा भएका ठाउँमा ११/११ मिटर नै विस्तार गर्ने सहमति भएको नगरपालिकाका प्रवक्ता मनोजकुमार ढुङ्गानाले जानकारी दिनुभयो ।

यो सहमति अनुसार पनि ठाउँठाउँमा काम रोकिँदा वर्षौँदेखि स्थानीयवासी र यात्रु हिउँदमा धुलो र वर्षामा हिलोले प्रभावित छन् । नगरपालिकाले केन्द्रबिन्दुबाट दायाँबायाँ सात/सात मिटर विस्तार गर्ने सहमति गरेको दुई वर्षसम्म पनि सडक अलपत्र छ ।

चन्द्रमती, सूर्यमती, कोलमती, जम्बोत्तरी र मेलम्चीको सुरुङ निस्कने खोल्सामा पुल तथा पैदल मार्ग समेत छैन ।

अन्तिम अपडेट: फागुन १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

काठमाण्डौको जोरपाटी–गोकर्ण–सुन्दरीजल सडक ६ वर्षदेखि अलपत्र

फाइल तस्बिर

तपाईको प्रतिक्रिया