नेपाल बारले प्रधानन्यायाधीश विरुद्धको आन्दोलनलाई आजदेखि देशव्यापी बनाउने

कात्तिक २८, २०७८ आइतबार ७:५५:२६ | उज्यालो सहकर्मी

काठमाण्डाै - नेपाल बार एसोसिएशनले प्रधानन्यायाधीश चोलेन्द्र शम्शेर जबराविरुद्धको आन्दोलनलाई आजदेखि देशव्यापी बनाउने भएको छ ।

जबराको राजीनामा मागेर गएको १४ गतेदेखि बारले निरन्तर आन्दोलन गर्दै आएको छ । आजदेखि जिल्ला तथा इकाईहरु पनि आन्दोलनमा उत्रिने बारका अध्यक्ष चण्डेश्वर श्रेष्ठले बताउनुभयो । अस्ति शुक्रवार जबरालाई अदालतको गेटमा छेकेको बारले आज पनि अदालत प्रवेश गर्न नदिने र सर्वोच्चका दुवै ढोकामा धर्ना दिने तयारी गरेको छ ।

सर्वोच्च अदालतका १९ जना न्यायाधीशहरु पनि आन्दोलनमा छन् । सर्वोच्चमा प्रधानन्यायाधीशविरुद्ध न्यायाधीशहरूले इजलास बहिष्कार गर्दै आएका छन् । सर्वोच्च अदालतका पूर्व तथा बहालवाला न्यायाधीश, नेपाल बार तथा विभिन्न सङ्घसंस्थाको विरोधका कारण दबाबमा परेको सरकारले न्यायालयको गतिरोध अन्त्य गर्न छलफल थालेको छ ।

प्रधानमन्त्रीसहित मन्त्रीहरुले यसबारे बिहीवार बेलुका पहिलो चरणमा परामर्श गरे पनि सङ्कट समाधानको उपायका बारेमा सरकार र सत्तारुढ दल अहिलेसम्म प्रष्ट भइसकेका छैनन् । सत्तारुढ दलले साझा धारणा बनाएर छिट्टै न्यायालयभित्रको समस्या समाधान गर्ने कांग्रेसका वरिष्ठ नेता एवं उच्चस्तरीय राजनीतिक समन्वय समितिका संयोजक रामचन्द्र पौडेलले बताउनुभएको छ ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्