साढे सात प्रतिशत भन्दा धेरैले घट्यो रेमिट्यान्स

कात्तिक ३०, २०७८ मंगलबार १७:३६:९ | उज्यालो सहकर्मी

काठमाण्डाै – अघिल्लो वर्षको तुलनामा चालु आर्थिक वर्षको पहिलो तीन महिनामा रेमिट्यान्स सात दशमलव ६ प्रतिशतले घटेको छ ।

राष्ट्र बैंकले सार्वजनिक गरेको तथ्यांक अनुसार साउनदेखि असाेजसम्म देशको रेमिट्यान्स सात दशमलव ६ प्रतिशतले घटेर दुई खर्ब ३९ अर्ब ३२ करोडमा सीमित भएको हो । अघिल्लो वर्ष त्यही अवधिमा रेमिट्यान्स १२ दशमलव सात प्रतिशतले बढेको थियो ।

तीन महिनाको अवधिमा अमेरिकी डलरमा प्राप्त रेमिट्यान्स पनि सात दशमलव सात प्रतिशतले घटेको छ । समीक्षा अवधिमा वैदेशिक रोजगारीका लागि अन्तिम श्रम स्वीकृति लिने नेपालीको संख्या भने बढेको छ । यसैबीच चालु आर्थिक वर्षको पहिलो तीन महिनामा व्यापार घाटा ५८ दशमलव तीन प्रतिशतले बढेको छ । निर्यात एक सय नौ दशमलव पाँच प्रतिशतले बढ्दासमेत व्यापार घाटा बढेको हो । नेपाल राष्ट्र बैंकले सार्वजनिक गरेको साउन, भदौ र असोजको आर्थिक तथा वित्तीय अवस्थासम्बन्धी प्रतिवेदनअनुसार व्यापार घाटा चार खर्ब १३ अर्ब ४७ करोड रुपैयाँ पुगेको छ ।

अघिल्लो वर्षको त्यही अवधिमा यस्तो घाटा १५ दशमलव एक प्रतिशतले घटेको थियो । समीक्षा अवधिमा देशबाट ६५ अर्ब पाँच करोड रुपैयाँ बराबरको वस्तु विभिन्न देशमा निर्यात भएको छ भने चार खर्ब ७८ अर्ब ५२ करोड रुपैयाँ बराबरको वस्तु आयात भएको छ । यसैबीच साउनदेखि असोज तीन महिनाको अवधिमा विदेशी मुद्राको सञ्चिति घटेर १३ खर्ब १९ अर्ब रुपैयाँमा झरेको नेपाल राष्ट्र बैंकले जनाएको छ ।

२०७८ असार मसान्तसम्म १३ खर्ब ९९ अर्ब २ करोड बराबर रहेको कुल विदेशी मुद्राको सञ्चिति समीक्षा अवधिमा पाँच दशमलव सात प्रतिशतले घटेर १३ खर्ब १९ अर्ब ३२ करोडमा झरेको हो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्