मतदाताको विश्वास चुक्न दिन्नँ : गगन थापा

पुष १, २०७८ बिहीबार १६:३७:५४ | उज्यालो सहकर्मी

काठमाण्डाै – नेपाली कांग्रेसका नवनिर्वाचित महामन्त्री गगन थापाले नागरिकलाई पार्टीप्रति भरोसा दिलाउनु आफ्नो पहिलो काम हुने बताउनुभएको छ ।

पार्टी कार्यालय सानेपामा आज बिहीवार पत्रकारसँग कुरा गर्दै महामन्त्री थापाले नागरिकले पार्टी र नेताहरूलाई भरोसा नगरिरहेको अवस्थामा आफूले नागरिकको भरोसा बढाउने बताउनुभएको छ । उहाँले मतदाता सामु गरेका वाचाअनुसार काम गर्ने र एक दिन पनि कतै नचुक्ने तथा गलत काममा नलाग्ने प्रतिबद्धतासमेत जनाउनुभएको छ ।

‘मैले कस्तो मान्छेलाई मत दिएर जिताएछु भनेर पछुतो मान्ने अवस्था आउन दिनेछैन, पूरै नैतिकताभित्र रहेर काम गर्नेछु’, थापाले भन्नुभयो ।

उहाँले आफू कुनै समूहमा रहेर चुनाव लडे पनि अब सिङ्गो पार्टीको महामन्त्री भएकाले कुनै समूह, गुट नभनी काम गर्ने पनि बताउनुभयो । सबै मिलेर सभापतिलाई बल, तागत दिएर सही ठाउँमा पुर्‍याउने भन्दै महामन्त्री थापाले चुनावी प्रतिस्पर्धाका क्रममा कसैलाई अन्याय वा विवाद भएको भए सम्बन्धलाई फेरि सुमधुर बनाउन कोसिस गर्ने बताउनुभयो ।

मत धेरै पाउनु भनेको धेरै जिम्मेवारी वहन तयार हुनु भएको उल्लेख गर्दै थापाले पार्टी सञ्चालनमा व्यक्तिको वर्चस्व रहने चलनको अन्त्य गर्न पहल गर्ने पनि बताउनुभएको छ ।

अन्तिम अपडेट: पुस २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

मतदाताको विश्वास चुक्न दिन्नँ : गगन थापा

फाइल फाेटाे

तपाईको प्रतिक्रिया