पुलिसलाई हराउँदै आर्मी केपी ओली कपको सेमिफाइनलमा

फागुन १२, २०८१ सोमबार १४:५:२७ | उज्यालो सहकर्मी

काठमाण्डाै – नेपाल पुलिस क्लबलाई हराउँदै त्रिभुवन आर्मी क्लब केपी ओली कप फुटबलको सेमिफाइनलमा पुगेको छ ।

अखिल नेपाल फुटबल सङ्घ (एन्फा) कम्प्लेक्स सातदोबाटोमा आज भएको खेलमा आर्मीले पुलिसलाई २–० गोलले हरायो । आर्मीका नवयुग श्रेष्ठ र दिनेश हेम्जनले गोल गरे ।

अब आर्मीले सेमिफाइनलमा सशस्त्र प्रहरी बलको एपीएफ क्लब र सङ्कटा क्लबबीचको खेलको विजेतासँग खेल्नेछ । प्रतियोगितामा आजको दोस्रो खेलमा अहिले दिउँसाे ३ बजे आयोजक केपी ओली एफसी र न्युरोड टिम (एनआरटी) खेल्दैछन् ।

प्रतियोगितामा ६ वटा ‘ए’ डिभिजन टोली, २ विदेशी र १ आयोजक गरी ९ वटा टोली सहभागी छन् । प्रतियोगिताको विजेताले १५ लाख ११ हजार १ सय ११ र दोस्रो हुने टोलीले ५ लाख रुपैयाँ प्राप्त गर्ने आयोजक राष्ट्रिय युवा सङ्घ नेपालले जनाएको छ । फाइनल खेल यही १९ गते हुनेछ ।

केपी ओली कपमा इटालीका विश्व चर्चित गोलरक्षक जियानलुइजी बुफोनको पनि उपस्थिति रहने छ ।

अन्तिम अपडेट: फागुन १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्