अत्यावश्यक नभइ जोखियुक्त देशको भ्रमण नगर्न अध्यागमन विभागको आग्रह

पुष २९, २०७८ बिहीबार ७:४९:३१ | उज्यालो सहकर्मी

काठमाण्डाै - अध्यागमन विभागले कोरोनाको नयाँ भेरियन्ट फैलिएका देशमा अत्यावश्यक नभइ भ्रमण नगर्न आग्रह गरेको छ ।

नेपालबाट यात्रा गर्ने योजना बनाएका व्यक्तिलाई अत्यावश्यक अवस्थाबाहेक जोखियुक्त देशको यात्रा नगर्न विभागले अनुरोध गरेको हो । सरकारको निर्णयानुसार विभागले अर्को व्यवस्था नभएसम्मका लागि सचेत हुन विज्ञप्तिमार्फत अनुरोध गरेको छ ।

आमिक्रोन भेरियन्ट देखिएका देश (दक्षिण अफ्रिका, वोत्स्वाना, जिम्बाब्वे, नामिबिया, लेसोथो, इस्वाटिनी, मोजाम्बिक, मलाबी र हङकङ) बाट आउने वा ती देशलाई ट्रान्जिट बनाइ नेपाल आउने यात्रुलाई गएको मङ्सिर १६ देखि नै नेपाल प्रवेशमा रोक लगाइएको छ । यो निर्णय यथावत राखिएको पनि विभागले जनाएको छ ।

विभागले तोकिएका नौ देश र अन्य कोरोनाको उच्च जोखिम भएका देशबाट नेपाल आउने नेपाली नागरिक, कुटनीतिक तथा अफिसियल पासपोर्टबाहेक वा आवासीय भिसा प्राप्त गरेका विदेशी नागरिकको हकमा पनि विशेष व्यवस्था गरेको छ ।

पूर्ण खोप लगाएको १४ दिन पुगेको, बोडिङ पास जारी हुनुभन्दा ७२ घण्टा अगाडिको पीसीआर रिपोर्ट नेगेटिभ भएका नेपाली नागरिक र अन्यको हकमा कोभिड–१९सँग मिल्दोजुल्दो लक्षण नदेखिएको अवस्थामा घरमै १० दिन क्वरेण्टीनमा बस्नेगरी अनुमति दिने विभागले जनाएको छ ।

विभागका निर्देशक प्रकाशचन्द्र अधिकारीका अनुसार ओमिक्रोन भेरियन्ट देखिएका देशबाट आएका यात्रुको हकमा मात्रै क्वरेण्टीन र आइसोलेशनको व्यवस्था लागू हुनेछ ।

अन्तिम अपडेट: पुस ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्