वैशाखमा गर्नुपर्ने पालिकाको चुनाव अन्योलमा

माघ ८, २०७८ शनिबार ६:५०:४८ | उज्यालो सहकर्मी

काठमाण्डाै - सरकारले मिति घोषणा गर्न ढिलाइ गर्दा वैशाखमा हुनुपर्ने पालिकाको चुनाव अन्योलमा परेको छ ।

निर्वाचन आयोगले यसअघि नै वैशाखमा चुनाव गर्न प्रस्ताव गरे पनि सत्तारुढ गठबन्धनभित्र चुनावका अरु विकल्पबारे छलफल हुन थालेपछि पालिकाको चुनाव अन्योलमा परेको हो ।

वैशाखमा चुनाव गर्नको लागि आजभोलिमै मिति घोषणा भइसक्नुपर्छ । तर सत्तारुढ गठबन्धनको हिजोको बैठकले पालिका तहको चुनावबारे निर्णय गर्न नसक्दा मिति घोषणामा ढिलाइ भएको छ ।

हिजो बसेको उच्चस्तरीय राजनीतिक समन्वय समिति बैठकले पालिका तह चुनावबारे कानुनी अस्पष्टता रहेको भन्दै संविधान र कानुनका विज्ञहरुसँग छलफल गर्ने निर्णय गरेको छ । यस विषयमा एक, दुई दिनभित्रै छलफल हुने सत्तारुढ दलका नेताहरुको भनाइ छ ।

संविधानमा पालिकाका जनप्रतिनिधिको कार्यकाल सकिएको ६ महिनाभित्र र निर्वाचन ऐनमा भने कार्यकाल सकिनु २ महिनाअगावै चुनाव गरिसक्नु पर्ने उल्लेख भएकाले कुन कुरालाई मान्ने भन्ने विषयमा संविधान र कानुनका विज्ञसँग छलफल गर्ने सत्तारुढ दलले निर्णय गरेका हुन् । तर संविधानविद्हरुले भने आउँदो जेठ ५ गतेभित्रै पालिकाको चुनाव गर्नुपर्ने कानुनी बाध्यता रहेको प्रष्ट पारेका छन् ।

सत्ता गठबन्धनले तीनवटै तहको चुनाव एकैपटक गर्ने विकल्पमा छलफल थालेपछि संविधानविद्हरुले प्रतिनिधि सभा र प्रदेश सभाको चुनाव वैशाख–जेठमा गर्न नमिल्ने र मंसिरसम्म कुर्नै पर्ने बताएका छन् ।

पालिकाको चुनाव पछि धकेलेर पहिले सङ्घीय चुनाव गर्ने माओवादी केन्द्रका अध्यक्ष पुष्पकमल दाहाल प्रचण्डको प्रस्तावको चौतर्फी आलोचना भएपछि सत्ता गठबन्धनभित्र तीनै तहको चुनाव एकैपटक गर्ने विकल्पमा छलफल सुरु भएको हो ।

अन्तिम अपडेट: पुस २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्